عابد تمیمی
شاعر
اُڈیکاں دی شمع لئے کے امکان تک گیاں
اُڈیکاں دی شمع لئے کے امکان تک گیاں
یعنی میں آپنڑے گھر توں ذندان تک گیاں
سجدے دی ہا جو اپنڑی شُہرت تُوں دُور ہا
رُوح دا لباس پا کے اسمان تک گیاں
بے آسرے دا آسرا ہنجواں دی فوج ہا
جذبات وچ تقدیر دے گِریبان تک گیاں
اکھیاں دا تِیر دل جئیں قلندر نوں لگ گیا
تڑپدا ہویا صیاد دی کمان تک گیاں
میری قبر گواہ ہے عادل نصیب دا
قاتل نوں لبھدا دوسرے جہان تک گیاں
غریبی دا کیا مذاق نئیں دُنیا تے دِین وچ
کاسے سنڑِیں میں حشر دے میدان تک گیاں
عابد تمیمی