آنکھوں سے عیاں زخم کی گہرائی تو اب ہے — اعتبارساجد
شاعر
آنکھوں سے عیاں زخم کی گہرائی تو اب ہے
آنکھوں سے عیاں زخم کی گہرائی تو اب ہے
اب آ بھی چکو وقت مسیحائی تو اب ہے
پہلے غم فرقت کے یہ تیور تو نہیں تھے
رگ رگ میں اترتی ہوئی تنہائی تو اب ہے
طاری ہے تمناؤں پہ سکرات کا عالم
ہر سانس رفاقت کی تمنائی تو اب ہے
کل تک مری وحشت سے فقط تم ہی تھے آگاہ
ہر گام پہ اندیشۂ رسوائی تو اب ہے
کیا جانے مہکتی ہوئی صبحوں میں کوئی دل
شاموں میں کسی درد کی رعنائی تو اب ہے
دل سوز یہ تارے ہیں تو جاں سوز یہ مہتاب
در اصل شب انجمن آرائی تو اب ہے
صف بستہ ہیں ہر موڑ پہ کچھ سنگ بکف لوگ
اے زخم ہنر لطف پذیرائی تو اب ہے
اعتبارساجد
Aankhon se ayaan zakhm ki gehraai to ab hai
Aankhon se ayaan zakhm ki gehraai to ab hai
Ab aa bhi chuko waqt-e-maseehai to ab hai
Pehle gham-e-furqat ke ye tevar to nahin thhey
Rag rag mein utarti hui tanhaai to ab hai
Taari hai tamannaon pe sakraat ka aalam
Har saans rafaaqat ki tamannaai to ab hai
Kal tak meri wahshat se faqat tum hi thhey aagah
Har gaam pe andesha-e-ruswaai to ab hai
Kya jaane mehakti hui subhon mein koi dil
Shaamon mein kisi dard ki ra'anaai to ab hai
Dil soz ye taare hain to jaan soz ye mahtaab
Dar asal shab-e-anjuman aaraai to ab hai
Saf basta hain har mod pe kuch sang bakaf log
Aye zakhm-e-hunar lutf-e-pazeeraai to ab hai
شاعر کے بارے میں
اعتبار ساجد 1 جولائی 1948 کو ملتان میں پیدا ہوئے۔ ان کا اصل نام سید اعتبار حسین ہے اور وہ ادبی دنیا میں "اعتبار ساجد" کے نام سے جانے جاتے ہیں۔ انہوں نے اعلیٰ تعلیم حاصل کرنے کے بعد تدریس کے شعبے سے وابستگی اختیار کی۔ ابتدا میں وہ بلوچستان کے گورنمنٹ کالج نوشکی میں استاد رہے اور بعد ازاں اسلام آباد منتقل ہوئے، جہاں انہوں نے نہ صرف تدریسی خدمات ان...
مکمل تعارف پڑھیں