حصار قریۂ آزار سے نکلتے ہوئے — اختر شمار
شاعر
حصار قریۂ آزار سے نکلتے ہوئے
حصار قریۂ آزار سے نکلتے ہوئے
یہ دل ملول تھا آزار سے نکلتے ہوئے
بڑی ہی دیر تلک دھوپ مجھ کو چھو نہ سکی
تمہارے سایۂ دیوار سے نکلتے ہوئے
کہ پھر سے تخت کو آنا تھا میرے قدموں میں
میں پر یقین تھا دربار سے نکلتے ہوئے
شعاع نور کے پھوٹے سے جاں لرزتی تھی
تمہاری گرمئ رخسار سے نکلتے ہوئے
تمہارے دھیان میں گم ہو گئی تھی مہکی ہوا
حدود جادۂ گلزار سے نکلتے ہوئے
میں لوٹ آیا تجھے چھوڑ کر مگر آدھا
وہیں رہا در و دیوار سے نکلتے ہوئے
فضا میں دیر تلک خوب جگمگاتے شمارؔ
وہ لفظ شوخئ گفتار سے نکلتے ہوئے
Hisar qarya-e-aazar se nikalte hue
Hisar qarya-e-aazar se nikalte hue
Yeh dil malool tha aazar se nikalte hue
Badi hi der talak dhoop mujh ko chhu na saki
Tumhare saya-e-deewar se nikalte hue
Ke phir se takht ko aana tha mere qadmon mein
Main pur yaqeen tha darbaar se nikalte hue
Shua-e-noor ke phootne se jaan larazti thi
Tumhari garmi-e-rukhsar se nikalte hue
Tumhare dhyaan mein gum ho gai thi mehki hawa
Hudood jada-e-gulzar se nikalte hue
Main laut aaya tujhe chhod kar magar aadha
Wahīn raha dar-o-deewar se nikalte hue
Fiza mein der talak khoob jagmagate Shumar
Wo lafz shokhi-e-guftaar se nikalte hue