وہ جس کا عکس لہو کو جگا دیا کرتا — اختر شمار
شاعر
وہ جس کا عکس لہو کو جگا دیا کرتا
وہ جس کا عکس لہو کو جگا دیا کرتا
میں خواب خواب میں اس کو صدا دیا کرتا
قریب آتی جو تاریخ اس کے ملنے کی
وہ اپنے وعدے کی مدت بڑھا دیا کرتا
میں زندگی کے سفر میں تھا مشغلہ اس کا
وہ ڈھونڈ ڈھونڈ کے مجھ کو گنوا دیا کرتا
اسے سمیٹتا میں جب بھی ایک نقطے میں
وہ میرے دھیان میں تتلی اڑا دیا کرتا
اسی کے گاؤں کی راہوں میں بیٹھ کر ہر روز
میں دل کا حال ہوا کو سنا دیا کرتا
مجھے وہ آنکھ میں رکھ کر شمارؔ پچھلی شب
عجب خمار میں پلکیں گرا دیا کرتا
نہ چھیڑ مجھ کو زمانہ وہ اور تھا جس میں
فقیر گالی کے بدلے دعا دیا کرتا
Wo jis ka aks lahu ko jaga diya karta
Wo jis ka aks lahu ko jaga diya karta
Main khwab khwab mein us ko sada diya karta
Qareeb aati jo tareekh us ke milne ki
Wo apne waade ki muddat barha diya karta
Main zindagi ke safar mein tha mashghala uska
Wo dhoondh dhoondh ke mujh ko ganwa diya karta
Use sametta main jab bhi ek nuqte mein
Wo mere dhyaan mein titli ura diya karta
Isi ke gaon ki raahon mein baith kar har roz
Main dil ka haal hawa ko suna diya karta
Mujhe wo aankh mein rakh kar Shumar pichhli shab
Ajab khumar mein palkein gira diya karta
Na chhed mujh ko zamana wo aur tha jis mein
Faqeer gaali ke badle dua diya karta