نئے سر کی تمثیل
کامنی خواب کی لو میں ہنستی ہوئی کامنی سولہ برس کی تقویم میں فصل گل کا کوئی تذکرہ تک نہ تھا میں نے بتیس بتیس جھڑ رتیں کاٹ دیں اب جو تمثیل کے ایک وقفے میں تم سے ملا ہوں تو سانسوں میں نم چال میں ان زمانوں کا رم جی اٹھا ہے جو عہد زمستاں میں یخ تھے سقر سا سقر کامنی خندۂ گل کی کل زندگی ایک گلچیں کی وحشت بھری آنکھ ہے یہ چٹکنا یہ کھلنا بہت سحر آور سہی جاگنے اور سونے میں اک خواب موہوم سے کچھ زیادہ نہیں خواب و خواہش عجب سلسلہ ہے بہت دور بہتی ہوئی آبشاروں کا اک سلسلہ جس میں کوہ تذبذب کی خوشبو بھی ہے عہد و پیماں کا جادو بھی خوں سے سروں تک سروں سے اس اک لفظ تک جس میں راگوں کا جوہر بندھا ہے کہیں ایمنی رس کہیں ماروا ٹھاٹھ بھاگیشری بھیرویں اور پہاڑی وہ سب کچھ جو اپنے لہو میں دہکتا چہکتا ہے جس کے تناظر میں ہم بیست و شش سال پہلے بندھے تھے انہی آبشاروں سے مجھ کو صدا آ رہی ہے سو میں جا رہا ہوں نئے سر اٹھانے کہ سرگم کی فرسودگی دیدہ و دل بجھانے لگی ہے نیا سر جسے لفظ ترتیب دیتے ہیں پہنچے تو جانو کہ صانع کے لفظوں سے اٹھتی نمی تم تک آئی پس عمر کا حاصل فن جیسے صرفۂ جاں کہیں کچھ نہیں بیست و شش سال در خدمت فن بسر کردہ ام بہ چشم نم اوراق تر کردہ ام در فقیری گزر کردہ ام حرف سر کردہ ام یہ جو لفظوں کی پیغمبری ہے نہ ہوتی تو عبرت سرا میں بھلا کون جیتا میں لفظوں میں سسکارتا ہوں سنا تم نے سر نغمۂ تازہ کا یہ کتنے قرنوں سے دل میں کسی سل کی صورت جما تھا یہ جوئے رواں تم تک آئی مگر کتنے خورشید و مہتاب آہنگ بنتے ہوئے بجھ گئے کتنے دن گل ہوئے کتنی راتیں ڈھلیں خیر کیسا حساب ایسے نغموں میں خوں اور چراغوں کے روغن کا ایک پرسہ کسے دوں بھلا کوئی عزا دار ہے پرسہ داروں کی تمثیل میں کوئی وقفہ نہیں
English rendering
kaamni khwab ki lau mein hansti hui kaamni solah baras ki taqvim mein fasl-e-gul ka koi tazkira tak na tha main ne batis batis jhad riten kaat din ab jo tamsil ke ek waqfe mein tum se mila hoon to sanson mein nam chaal mein un zamanon ka ram ji utha hai jo ahd-e-zamistan mein yakh the saqar sa saqar kaamni khanda-e-gul ki kul zindagi ek gulchin ki wahshat bhari aankh hai yeh chatakna yeh khulna bahut sehr-awar sahi jaagne aur sone mein ek khwab-e-mauhoom se kuchh zyada nahin khwab o khwahish ajab silsila hai bahut door bahti hui aabsharon ka ek silsila jis mein koh-e-tazabzub ki khushboo bhi hai ahd o paiman ka jadu bhi khoon se suron tak suron se is ek lafz tak jis mein raagon ka jauhar bandha hai kahin aimani ras kahin marwa thaath bhageshri bheriyon aur pahadi wo sab kuchh jo apne lahoo mein dehekta chehekta hai jis ke tanazur mein hum bist-o-shash saal pehley bandhe the inhi aabsharon se mujh ko sada aa rahi hai so main ja raha hoon naye sur uthane ki sargam ki farsudgi deeda o dil bujhane lagi hai naya sur jise lafz tartib dete hain pahunche to jaano ki saane' ke lafzon se uthti nami tum tak aayi pas umr ka hasil fan jaise sarfa-e-jaan kahin kuchh nahin bist o shash saal dar khidmat-e-fan basar karda am ba chashm-e-nam awraq tar karda am dar faqiri guzar karda am harf sar karda am yeh jo lafzon ki paighambari hai na hoti to ibrat sara mein bhala kaun jiita main lafzon mein siskaarta hoon suna tum ne sur naghma-e-taza ka yeh kitne qarnon se dil mein kisi sil ki surat jama tha yeh ju-e-rawan tum tak aayi magar kitne khurshid o mahtaab aahang bante hue bujh gaye kitne din gul hue kitni raaten dhaleen khair kaisa hisab aise naghmon mein khoon aur chiraghon ke roghan ka ek pursha kise doon bhala koi aza-dar hai pursha-daron ki tamsil mein koi waqfa nahin