ہرلحظہ ہے مومن کی نئی شان، نئی آن — علامہ اقبال
شاعر
ہرلحظہ ہے مومن کی نئی شان، نئی آن
ہرلحظہ ہے مومن کی نئی شان، نئی آن
گُفتار میں، کردار میں، اللہ کی برُہان!
قہاّری و غفاّری و قدّوسی و جبروت
یہ چار عناصر ہوں تو بنتا ہے مسلمان
ہمسایۂ جِبریلِ امیں بندۂ خاکی
ہے اس کا نشیمن نہ بخارا نہ بدخشان
یہ راز کسی کو نہیں معلوم کہ مومن
قاری نظر آتا ہے، حقیقت میں ہے قُرآن!
قُدرت کے مقاصد کا عیار اس کے ارادے
دُنیا میں بھی میزان، قیامت میں بھی میزان
جس سے جگَرِ لالہ میں ٹھنڈک ہو، وہ شبنم
دریاؤں کے دِل جس سے دہَل جائیں، وہ طوفان
فطرت کا سرودِ اَزلی اس کے شب و روز
آہنگ میں یکتا صفَتِ سورۂ رحمٰن
بنتے ہیں مری کارگہِ فکر میں انجم
لے اپنے مقدّر کے ستارے کو تو پہچان!
ہرلحظہ ہے مومن کی نئی شان، نئی آن
Harlahza hai Momin ki nayi shaan, nayi aan
Guftaar mein, kirdaar mein, Allah ki burhaan!
Qahhari o Ghaffari o Quddoosi o Jabroot
Yeh chaar anasir hon toh banta hai Musalmaan
Hamsaya-e-Jibreel-e-ameen banda-e-khaaki
Hai is ka nasheman na Bukhara na Badakhshaan
Yeh raaz kisi ko nahin ma'aloom ke Momin
Qari nazar aata hai, haqeeqat mein hai Quraan!
Qudrat ke maqasid ka aiyaar us ke irade
Duniya mein bhi meezan, qayamat mein bhi meezan
Jis se jigar-e-laala mein thandak ho, woh shabnam
Daryaon ke dil jis se dehal jaayen, woh toofaan
Fitrat ka surood-e-azali us ke shab o roz
Aahang mein yakta sifat-e-surah-e-Rahman
Bante hain meri kargah-e-fikr mein anjum
Le apne muqaddar ke sitare ko tu pehchan!
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں