ڈھونڈ رہا ہے فرنگ عیش جہاں کا دوام — علامہ اقبال
شاعر
ڈھونڈ رہا ہے فرنگ عیش جہاں کا دوام
ڈھونڈ رہا ہے فرنگ عیش جہاں کا دوام
وائے تمنائے خام وائے تمنائے خام
پیر حرم نے کہا سن کے میری رویداد
پختہ ہے تیری فغاں اب نہ اسے دل میں تھام
تھا ارنی گو کلیم میں ارنی گو نہیں
اس کو تقاضا روا مجھ پہ تقاضا حرام
گرچہ ہے افشائے راز اہل نظر کی فغاں
ہو نہیں سکتا کبھی شیوۂ رندانہ عام
حلقۂ صوفی میں ذکر بے نم و بے سوز و ساز
میں بھی رہا تشنہ کام تو بھی رہا تشنہ کام
عشق تری انتہا عشق مری انتہا
تو بھی ابھی نا تمام میں بھی ابھی نا تمام
آہ کہ کھویا گیا تجھ سے فقیری کا راز
ورنہ ہے مال فقری سلطنت روم و شام
Ḍhūñḍ rahā hai Farang ‘aish-e-jahāñ kā davām
Ḍhūñḍ rahā hai Farang ‘aish-e-jahāñ kā davām
Vā‘e-tamannā-e-khām vā‘e-tamannā-e-khām
Pīr-e-ḥaram ne kahā sun ke merī rū’īdād
Pukhtah hai terī faghāñ ab na ise dil meñ thām
Thā Ar’anī go Kalīm maiñ Ar’anī go nahīñ
Us ko taqāẓā ravā mujh pe taqāẓā ḥarām
Garchih hai ifshā-e-rāz ahl-e-naẓar kī faghāñ
Ho nahīñ saktā kabhī shevah-e-rindānah ‘ām
Ḥalqah-e-ṣūfī meñ zikr be-nam-o-be-soz-o-sāz
Maiñ bhī rahā tashnah-kām tū bhī rahā tashnah-kām
‘Ishq terī intihā ‘ishq merī intihā
Tū bhī abhī nā-tamām maiñ bhī abhī nā-tamām
Āh ke khoyā gayā tujh se faqīrī kā rāz
Varnah hai māl-e-faqīrī salṭanat-e-Rūm-o-Shām
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں