اپنی جولاں گاہ زیر آسماں سمجھا تھا میں — علامہ اقبال
شاعر
اپنی جولاں گاہ زیر آسماں سمجھا تھا میں
اپنی جولاں گاہ زیر آسماں سمجھا تھا میں
آب و گل کے کھیل کو اپنا جہاں سمجھا تھا میں
بے حجابی سے تری ٹوٹا نگاہوں کا طلسم
اک ردائے نیلگوں کو آسماں سمجھا تھا میں
کارواں تھک کر فضا کے پیچ و خم میں رہ گیا
مہر و ماہ و مشتری کو ہم عناں سمجھا تھا میں
عشق کی اک جست نے طے کر دیا قصہ تمام
اس زمین و آسماں کو بے کراں سمجھا تھا میں
کہہ گئیں راز محبت پردہ داری ہائے شوق
تھی فغاں وہ بھی جسے ضبط فغاں سمجھا تھا میں
تھی کسی درماندہ رہ رو کی صدائے دردناک
جس کو آواز رحیل کارواں سمجھا تھا میں
Apnī jaulāñ-gāh zer-e-āsmāñ samjhā thā maiñ
Apnī jaulāñ-gāh zer-e-āsmāñ samjhā thā maiñ
Āb-o-gil ke khel ko apnā jahāñ samjhā thā maiñ
Be-ḥijābī se tirī ṭūṭā nigāhoñ kā tilism
Ik ridā-e-nīlgūñ ko āsmāñ samjhā thā maiñ
Kārvāñ thak kar faẓā ke pech-o-kham meñ rah gayā
Mehr-o-māh-o-mushtarī ko ham-ināñ samjhā thā maiñ
‘Ishq kī ik just ne ṭai kar diyā qiṣṣa tamām
Us zamīn-o-āsmāñ ko be-karāñ samjhā thā maiñ
Kah ga’īñ rāz-e-muḥabbat parda-dārī hā-e-shauq
Thī faghāñ vo bhī jise żabt-e-faghāñ samjhā thā maiñ
Thī kisī dar-māñdah rah-rau kī ṣadā-e-dardnāk
Jis ko āvāz-e-raḥīl-e-kārvāñ samjhā thā maiñ
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں