اثر کرے نہ کرے سن تو لے مری فریاد — علامہ اقبال
شاعر
اثر کرے نہ کرے سن تو لے مری فریاد
اثر کرے نہ کرے سن تو لے مری فریاد
نہیں ہے داد کا طالب یہ بندۂ آزاد
یہ مشت خاک یہ صرصر یہ وسعت افلاک
کرم ہے یا کہ ستم تیری لذت ایجاد
ٹھہر سکا نہ ہوائے چمن میں خیمۂ گل
یہی ہے فصل بہاری یہی ہے باد مراد
قصوروار غریب الدیار ہوں لیکن
ترا خرابہ فرشتے نہ کر سکے آباد
مری جفا طلبی کو دعائیں دیتا ہے
وہ دشت سادہ وہ تیرا جہان بے بنیاد
خطر پسند طبیعت کو سازگار نہیں
وہ گلستاں کہ جہاں گھات میں نہ ہو صیاد
مقام شوق ترے قدسیوں کے بس کا نہیں
انہیں کا کام ہے یہ جن کے حوصلے ہیں زیاد
Asar kare na kare sun to le merī faryād
Asar kare na kare sun to le merī faryād
Nahīñ hai dād kā ṭālib yeh bandah-e-āzād
Yeh musht-e-k͟hāk, yeh ṣar-ṣar, yeh wus‘at-e-aflāk
Karam hai yā ke sitam terī lazzat-e-ījād
Ṭhahar sakā na havā-e-chaman meñ k͟haimah-e-gul
Yahī hai faṣl-e-bahārī yahī hai bād-e-murād
Qusūr-vār g͟harīb-ud-diyār hūñ lekin
Terā k͟harābah firishte na kar sake ābād
Merī jafā-ṭalabī ko du‘āeñ detā hai
Vo dasht-e-sādah vo terā jahāñ be-bunyād
Khaṭar-pasand ṭabī‘at ko sāz-gār nahīñ
Vo gulistāñ ke jahāñ g͟hāt meñ na ho ṣayyād
Maqām-e-shauq tere qudsiyoñ ke bas kā nahīñ
Inheñ kā kām hai yeh jin ke ḥauṣale haiñ ziyād
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں