دگر گوں ہے جہاں تاروں کی گردش تیز ہے ساقی — علامہ اقبال
شاعر
دگر گوں ہے جہاں تاروں کی گردش تیز ہے ساقی
دگر گوں ہے جہاں تاروں کی گردش تیز ہے ساقی
دل ہر ذرہ میں غوغائے رستاخیز ہے ساقی
متاع دین و دانش لٹ گئی اللہ والوں کی
یہ کس کافر ادا کا غمزۂ خوں ریز ہے ساقی
وہی دیرینہ بیماری وہی نامحکمی دل کی
علاج اس کا وہی آب نشاط انگیز ہے ساقی
حرم کے دل میں سوز آرزو پیدا نہیں ہوتا
کہ پیدائی تری اب تک حجاب آمیز ہے ساقی
نہ اٹھا پھر کوئی رومیؔ عجم کے لالہ زاروں سے
وہی آب و گل ایراں وہی تبریز ہے ساقی
نہیں ہے ناامید اقبالؔ اپنی کشت ویراں سے
ذرا نم ہو تو یہ مٹی بہت زرخیز ہے ساقی
فقیر راہ کو بخشے گئے اسرار سلطانی
بہا میری نوا کی دولت پرویز ہے ساقی
Digar-gūñ hai jahāñ tāroñ kī gardish tez hai sāqī
Digar-gūñ hai jahāñ tāroñ kī gardish tez hai sāqī
Dil har zarre meñ ghaughā-e-rastā-khez hai sāqī
Matā‘-e-dīn-o-dānish luṭ gaī Allāh wāloñ kī
Yeh kis kāfir adā kā ghamzah-e-k͟hūñ-rez hai sāqī
Wahī dīrīnah bīmārī wahī nā-muḥkamī dil kī
‘Ilāj is kā wahī āb-e-nishāṭ-angez hai sāqī
Ḥaram ke dil meñ soz-e-ārzū paidā nahīñ hotā
Ke paidāī tirī ab tak ḥijāb-āmīz hai sāqī
Na uṭhā phir koī Rūmī, ‘Ajam ke lālah-zāroñ se
Wahī āb-o-gil-e-Īrāñ wahī Tabrīz hai sāqī
Nahīñ hai nā-ummīd Iqbāl apnī kisht-e-vīrāñ se
Zarā nam ho to yeh miṭṭī bahut zarkhīz hai sāqī
Faqīr-e-rāh ko bakhshe ga‘e asrār-e-salṭānī
Bahā merī navā kī daulat-e-Parvez hai sāqī
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں