دل سوز سے خالی ہے نگہ پاک نہیں ہے — علامہ اقبال
شاعر
دل سوز سے خالی ہے نگہ پاک نہیں ہے
دل سوز سے خالی ہے نگہ پاک نہیں ہے
پھر اس میں عجب کیا کہ تو بے باک نہیں ہے
ہے ذوق تجلی بھی اسی خاک میں پنہاں
غافل تو نرا صاحب ادراک نہیں ہے
وہ آنکھ کہ ہے سرمۂ افرنگ سے روشن
پرکار و سخن ساز ہے نمناک نہیں ہے
کیا صوفی و ملا کو خبر میرے جنوں کی
ان کا سر دامن بھی ابھی چاک نہیں ہے
کب تک رہے محکومئ انجم میں مری خاک
یا میں نہیں یا گردش افلاک نہیں ہے
بجلی ہوں نظر کوہ و بیاباں پہ ہے میری
میرے لیے شایاں خس و خاشاک نہیں ہے
عالم ہے فقط مومن جانباز کی میراث
مومن نہیں جو صاحب لولاک نہیں ہے
Dil soz se k͟hālī hai nigah pāk nahīñ hai
Dil soz se k͟hālī hai nigah pāk nahīñ hai
Phir is meñ ‘ajab kyā ke tū be-bāk nahīñ hai
Hai zauq-e-tajallī bhī isī k͟hāk meñ pinhāñ
Ghāfil tū nirā ṣāḥib-e-idrāk nahīñ hai
Vo āñkh ke hai surmah afring se raushan
Par kār-o-sukhan-sāz hai nam-nāk nahīñ hai
Kyā ṣūfī-o-mullā ko khabar mere junūñ kī
In kā sar dāman bhī abhī chāk nahīñ hai
Kab tak rahe maḥkūmī-e-anjum meñ merī k͟hāk
Yā maiñ nahīñ yā gardish-e-aflāk nahīñ hai
Bijlī hūñ nazar koh-o-biyābāñ pe hai merī
Mere liye shāyāñ khas-o-k͟hāshāk nahīñ hai
‘Ālam hai faqaṭ mo’min-e-jāñbāz kī mīrās
Mo’min nahīñ jo ṣāḥib-e-Lau-lāk nahīñ hai
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں