ہزار خوف ہو لیکن زباں ہو دل کی رفیق — علامہ اقبال
شاعر
ہزار خوف ہو لیکن زباں ہو دل کی رفیق
ہزار خوف ہو لیکن زباں ہو دل کی رفیق
یہی رہا ہے ازل سے قلندروں کا طریق
ہجوم کیوں ہے زیادہ شراب خانے میں
فقط یہ بات کہ پیر مغاں ہے مرد خلیق
علاج ضعف یقیں ان سے ہو نہیں سکتا
غریب اگرچہ ہیں رازیؔ کے نکتہ ہاے دقیق
مرید سادہ تو رو رو کے ہو گیا تائب
خدا کرے کہ ملے شیخ کو بھی یہ توفیق
اسی طلسم کہن میں اسیر ہے آدم
بغل میں اس کی ہیں اب تک بتان عہد عتیق
مرے لیے تو ہے اقرار بااللساں بھی بہت
ہزار شکر کہ ملا ہیں صاحب تصدیق
اگر ہو عشق تو ہے کفر بھی مسلمانی
نہ ہو تو مرد مسلماں بھی کافر و زندیق
Hazar khauf ho lekin zaban ho dil ki rafeeq
Hazar khauf ho lekin zaban ho dil ki rafeeq
Yahi raha hai azal se qalandaron ka tareeq
Hajoom kyun hai ziyada sharab-khane mein
Faqat ye baat ke peer-e-mughan hai mard-e-khaleeq
Ilaj-e-za'f-e-yaqeen un se ho nahin sakta
Ghareeb agarche hain Razi ke nukta-ha-e-daqeeq
Mureed-e-sada to ro ro ke ho gaya taaib
Khuda kare ke mile shaikh ko bhi ye taufeeq
Isi tilism-e-kuhan mein aseer hai Adam
Baghal mein us ki hain ab tak butan-e-ahd-e-ateeq
Mere liye to hai iqrar-bil-lisan bhi bahut
Hazar shukr ke mila hi nahin sahib-e-tasdeeq
Agar ho ishq to hai kufr bhi Musalmani
Na ho to mard-e-Musalman bhi kafir-o-zindeeq
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں