کبھی اے حقیقت منتظر نظر آ لباس مجاز میں — علامہ اقبال
شاعر
کبھی اے حقیقت منتظر نظر آ لباس مجاز میں
کبھی اے حقیقت منتظر نظر آ لباس مجاز میں
کہ ہزاروں سجدے تڑپ رہے ہیں مری جبین نیاز میں
طرب آشنائے خروش ہو تو نوا ہے محرم گوش ہو
وہ سرود کیا کہ چھپا ہوا ہو سکوت پردۂ ساز میں
تو بچا بچا کے نہ رکھ اسے ترا آئنہ ہے وہ آئنہ
کہ شکستہ ہو تو عزیز تر ہے نگاہ آئنہ ساز میں
دم طوف کرمک شمع نے یہ کہا کہ وہ اثر کہن
نہ تری حکایت سوز میں نہ مری حدیث گداز میں
نہ کہیں جہاں میں اماں ملی جو اماں ملی تو کہاں ملی
مرے جرم خانہ خراب کو ترے عفو بندہ نواز میں
نہ وہ عشق میں رہیں گرمیاں نہ وہ حسن میں رہیں شوخیاں
نہ وہ غزنوی میں تڑپ رہی نہ وہ خم ہے زلف ایاز میں
میں جو سر بہ سجدہ ہوا کبھی تو زمیں سے آنے لگی صدا
ترا دل تو ہے صنم آشنا تجھے کیا ملے گا نماز میں
Kabhi ay haqeeqat-e-muntazir nazar aa libas-e-majaaz mein
Kabhi ay haqeeqat-e-muntazir nazar aa libas-e-majaaz mein
Ke hazaron sajde tarap rahe hain meri jabeen-e-niyaz mein
Tarab ashna-e-khurosh ho tu nawa hai mehram-e-gosh ho
Woh surood kya ke chhupa hua ho sukoot-e-parda-e-saaz mein
Tu bacha bacha ke na rakh use tera aaina hai woh aaina
Ke shikasta ho to azeez-tar hai nigah-e-aaina-saz mein
Dam-e-tauf-e-karmak-e-shama ne ye kaha ke woh asar-e-kuhan
Na teri hikayat-e-soz mein na meri hadees-e-gudaz mein
Na kahin jahan mein amaan mili jo amaan mili to kahan mili
Mere jurm-e-khana-kharab ko tere afw-e-banda-nawaz mein
Na woh ishq mein rahen garmiyan na woh husn mein rahen shokhiyan
Na woh Ghaznavi mein tarap rahi na woh kham hai zulf-e-Ayaz mein
Main jo sar-ba-sajda hua kabhi to zameen se aane lagi sada
V-e-dil to hai sanam-ashna tujhe kya milega namaz mein
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں