خودی ہو علم سے محکم تو غیرت جبریل — علامہ اقبال
شاعر
خودی ہو علم سے محکم تو غیرت جبریل
خودی ہو علم سے محکم تو غیرت جبریل
اگر ہو عشق سے محکم تو صور اسرافیل
عذاب دانش حاضر سے با خبر ہوں میں
کہ میں اس آگ میں ڈالا گیا ہوں مثل خلیل
فریب خوردۂ منزل ہے کارواں ورنہ
زیادہ راحت منزل سے ہے نشاط رحیل
نظر نہیں تو مرے حلقۂ سخن میں نہ بیٹھ
کہ نکتہ ہائے خودی ہیں مثال تیغ اصیل
مجھے وہ درس فرنگ آج یاد آتے ہیں
کہاں حضور کی لذت کہاں حجاب دلیل
اندھیری شب ہے جدا اپنے قافلے سے ہے تو
ترے لیے ہے مرا شعلۂ نوا قندیل
غریب و سادہ و رنگیں ہے داستان حرم
نہایت اس کی حسین ابتدا ہے اسماعیل
Khudi ho ilm se muhkam to ghairat-e-Jibreel
Khudi ho ilm se muhkam to ghairat-e-Jibreel
Agar ho ishq se muhkam to soor-e-Israfeel
Azab-e-danish-e-hazir se ba khabar hoon main
Ke main is aag mein dala gaya hoon misl-e-Khaleel
Faraib-khurda manzil hai karwaan warna
Ziyada rahat-e-manzil se hai nishat-e-raheel
Nazar nahin to mere halqa-e-sukhan mein na baith
Ke nukta-haye Khudi hain misal-e-tegh-e-aseel
Mujhe woh dars-e-Farang aaj yaad aate hain
Kahan huzoor ki lazzat kahan hijab-e-daleel
Andheri shab hai juda apne qafile se hai tu
Tere liye hai mera shola-nawa qandeel
Ghareeb-o-sada-o-rangin hai dastaan-e-Haram
Nihayat us ki haseen ibtida hai Ismail
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں