خودی وہ بحر ہے جس کا کوئی کنارہ نہیں — علامہ اقبال
شاعر
خودی وہ بحر ہے جس کا کوئی کنارہ نہیں
خودی وہ بحر ہے جس کا کوئی کنارہ نہیں
تو آب جو اسے سمجھا اگر تو چارہ نہیں
طلسم گنبد گردوں کو توڑ سکتے ہیں
زجاج کی یہ عمارت ہے سنگ خارہ نہیں
خودی میں ڈوبتے ہیں پھر ابھر بھی آتے ہیں
مگر یہ حوصلۂ مرد ہیچ کارہ نہیں
ترے مقام کو انجم شناس کیا جانے
کہ خاک زندہ ہے تو تابع ستارہ نہیں
یہیں بہشت بھی ہے، حور و جبرئیل بھی ہے
تری نگہ میں ابھی شوخی نظارہ نہیں
مرے جنوں نے زمانے کو خوب پہچانا
وہ پیرہن مجھے بخشا کہ پارہ پارہ نہیں
غضب ہے عین کرم میں بخیل ہے فطرت
کہ لعل ناب میں آتش تو ہے شرارہ نہیں
Khudi woh bahr hai jis ka koi kinara nahin
Khudi woh bahr hai jis ka koi kinara nahin
Tu aab-e-joo usay samjha agar to chara nahin
Tilism-e-gunbad-e-gardoon ko torr sakte hain
Zujaj ki ye imarat hai sang-e-khara nahin
Khudi mein doobte hain phir ubhar bhi aate hain
Magar ye hausla-e-mard-e-heech-kara nahin
Tere maqam ko anjum-shanas kya jaane
Ke khak-e-zinda hai tu taba-e-sitara nahin
Yahin behisht bhi hai, hoor-o-Jibreel bhi hai
Teri nigah mein abhi shokhi-e-nazara nahin
Mere junoon ne zamane ko khoob pehchana
Woh pairahan mujhe bakhsha ke para-para nahin
Ghazab hai ain-e-karam mein bakheel hai fitrat
Ke la'al-e-naab mein aatish to hai sharara nahin
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں