خرد مندوں سے کیا پوچھوں کہ میری ابتدا کیا ہے — علامہ اقبال
شاعر
خرد مندوں سے کیا پوچھوں کہ میری ابتدا کیا ہے
خرد مندوں سے کیا پوچھوں کہ میری ابتدا کیا ہے
کہ میں اس فکر میں رہتا ہوں میری انتہا کیا ہے
خودی کو کر بلند اتنا کہ ہر تقدیر سے پہلے
خدا بندے سے خود پوچھے بتا تیری رضا کیا ہے
مقام گفتگو کیا ہے اگر میں کیمیا گر ہوں
یہی سوز نفس ہے اور میری کیمیا کیا ہے
نظر آئیں مجھے تقدیر کی گہرائیاں اس میں
نہ پوچھ اے ہم نشیں مجھ سے وہ چشم سرمہ سا کیا ہے
اگر ہوتا وہ مجذوب فرنگی اس زمانے میں
تو اقبالؔ اس کو سمجھاتا مقام کبریا کیا ہے
نوائے صبح گاہی نے جگر خوں کر دیا میرا
خدایا جس خطا کی یہ سزا ہے وہ خطا کیا ہے
Khurd-mandon se kya poochhun ke meri ibtida kya hai
Khurd-mandon se kya poochhun ke meri ibtida kya hai
Ke main is fikr mein rehta hoon meri intiha kya hai
Khudi ko kar buland itna ke har taqdeer se pehle
Khuda bande se khud poochhe bata teri raza kya hai
Maqam-e-guftugu kya hai agar main keemiagar hoon
Yehi soz-e-nafas hai aur meri keemiya kya hai
Nazar aaein mujhe taqdeer ki gehraiyan is mein
Na poochh ae ham-nasheen mujh se woh chashm-e-surma-sa kya hai
Agar hota woh majzoob-e-Farangi is zamane mein
To Iqbal us ko samjhata maqam-e-kibriya kya hai
Nawa-e-subh-gahi ne jigar khoon kar diya mera
Khudaya jis khata ki ye saza hai woh khata kya hai
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں