لا پھر اک بار وہی بادہ و جام اے ساقی — علامہ اقبال
شاعر
لا پھر اک بار وہی بادہ و جام اے ساقی
لا پھر اک بار وہی بادہ و جام اے ساقی
ہاتھ آ جائے مجھے میرا مقام اے ساقی
تین سو سال سے ہیں ہند کے مے خانے بند
اب مناسب ہے ترا فیض ہو عام اے ساقی
میری مینائے غزل میں تھی ذرا سی باقی
شیخ کہتا ہے کہ ہے یہ بھی حرام اے ساقی
شیر مردوں سے ہوا بیشۂ تحقیق تہی
رہ گئے صوفی و ملا کے غلام اے ساقی
عشق کی تیغ جگردار اڑا لی کس نے
علم کے ہاتھ میں خالی ہے نیام اے ساقی
سینہ روشن ہو تو ہے سوز سخن عین حیات
ہو نہ روشن تو سخن مرگ دوام اے ساقی
تو مری رات کو مہتاب سے محروم نہ رکھ
ترے پیمانے میں ہے ماہ تمام اے ساقی
La phir ik baar wahi baada-o-jaam ae Saqi
La phir ik baar wahi baada-o-jaam ae Saqi
Haath aa jaye mujhe mera maqam ae Saqi
Teen sau saal se hain Hind ke mai-khane band
Ab munasib hai tera faiz ho aam ae Saqi
Meri meena-e-ghazal mein thi zara si baqi
Shaikh kehta hai ke hai ye bhi haraam ae Saqi
Sher-mardon se hua bisha-e-tahqeeq tahi
Reh gaye Soofi-o-Mulla ke ghulam ae Saqi
Ishq ki tegh-e-jigardaar uda li kis ne
Ilm ke haath mein khali hai niyaam ae Saqi
Seena roshan ho to hai soz-e-sukhan ain-e-hayat
Ho na roshan to sukhan marg-e-dawam ae Saqi
Tu meri raat ko mahtab se mehroom na rakh
Tere paimane mein hai mah-e-tamam ae Saqi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں