متاع بے بہا ہے درد و سوز آرزو مندی — علامہ اقبال
شاعر
متاع بے بہا ہے درد و سوز آرزو مندی
متاع بے بہا ہے درد و سوز آرزو مندی
مقام بندگی دے کر نہ لوں شان خداوندی
ترے آزاد بندوں کی نہ یہ دنیا نہ وہ دنیا
یہاں مرنے کی پابندی وہاں جینے کی پابندی
حجاب اکسیر ہے آوارۂ کوئے محبت کو
مری آتش کو بھڑکاتی ہے تیری دیر پیوندی
گزر اوقات کر لیتا ہے یہ کوہ و بیاباں میں
کہ شاہیں کے لیے ذلت ہے کار آشیاں بندی
یہ فیضان نظر تھا یا کہ مکتب کی کرامت تھی
سکھائے کس نے اسماعیل کو آداب فرزندی
زیارت گاہ اہل عزم و ہمت ہے لحد میری
کہ خاک راہ کو میں نے بتایا راز الوندی
مری مشاطگی کی کیا ضرورت حسن معنی کو
کہ فطرت خود بہ خود کرتی ہے لالے کی حنا بندی
Mata-e-be-baha hai dard-o-soz-e-arzoo-mandi
Mata-e-be-baha hai dard-o-soz-e-arzoo-mandi
Maqam-e-bandagi de kar na loon shan-e-Khudaawandi
Tere aazad bandoon ki na ye dunya na woh dunya
Yahan marne ki pabandi wahan jeene ki pabandi
Hijab ikseer hai aawara-e-koo-e-mohabbat ko
Meri aatish ko bhadkaati hai teri der-paiwandi
Guzar auqat kar leta hai ye koh-o-biaban mein
Ke shaheen ke liye zillat hai kaar-e-ashiyan-bandi
Ye faizan-e-nazar tha ya ke maktab ki karamat thi
Sikhaaye kis ne Ismail ko aadab-e-farzandi
Ziyarat-gah-e-ahl-e-azm-o-himmat hai lahad meri
Ke khak-e-rah ko main ne bataya raaz-e-Alwandi
Meri mashatagi ki kya zaroorat husn-e-ma'ani ko
Ke fitrat khud ba khud karti hai lale ki hina-bandi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں