نہ آتے ہمیں اس میں تکرار کیا تھی — علامہ اقبال
شاعر
نہ آتے ہمیں اس میں تکرار کیا تھی
نہ آتے ہمیں اس میں تکرار کیا تھی
مگر وعدہ کرتے ہوئے عار کیا تھی
تمہارے پیامی نے سب راز کھولا
خطا اس میں بندے کی سرکار کیا تھی
بھری بزم میں اپنے عاشق کو تاڑا
تری آنکھ مستی میں ہشیار کیا تھی
تأمل تو تھا ان کو آنے میں قاصد
مگر یہ بتا طرز انکار کیا تھی
کھنچے خود بخود جانب طور موسیٰ
کشش تیری اے شوق دیدار کیا تھی
کہیں ذکر رہتا ہے اقبالؔ تیرا
فسوں تھا کوئی تیری گفتار کیا تھی
Na aate humein is mein takraar kya thi
Na aate humein is mein takraar kya thi
Magar wada karte hue aar kya thi
Tumhare payami ne sab raaz khola
Khata is mein bande ki sarkaar kya thi
Bhari bazm mein apne aashiq ko taara
Teri aankh masti mein hoshiyar kya thi
Taammul to tha un ko aane mein qaasid
Magar yeh bata tarz-e-inkaar kya thi
Khinchay khud ba khud jaanib-e-toor-e-Musa
Kashish teri ae shauq-e-deedaar kya thi
Kahin zikr rehta hai Iqbal tera
Fasoon tha koi teri guftaar kya thi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں