نہ تخت و تاج میں نے لشکر و سپاہ میں ہے — علامہ اقبال
شاعر
نہ تخت و تاج میں نے لشکر و سپاہ میں ہے
نہ تخت و تاج میں نے لشکر و سپاہ میں ہے
جو بات مرد قلندر کی بارگاہ میں ہے
صنم کدہ ہے جہاں اور مرد حق ہے خلیل
یہ نکتہ وہ ہے کہ پوشیدہ لا الہ میں ہے
وہی جہاں ہے ترا جس کو تو کرے پیدا
یہ سنگ و خشت نہیں جو تری نگاہ میں ہے
مہ و ستارہ سے آگے مقام ہے جس کا
وہ مشت خاک ابھی آوارگان راہ میں ہے
خبر ملی ہے خدایان بحر و بر سے مجھے
فرنگ رہ گزر سیل بے پناہ میں ہے
تلاش اس کی فضاؤں میں کر نصیب اپنا
جہان تازہ مری آہ صبح گاہ میں ہے
مرے کدو کو غنیمت سمجھ کہ بادۂ ناب
نہ مدرسے میں ہے باقی نہ خانقاہ میں ہے
Na takht-o-taaj mein, na lashkar-o-sipah mein hai
Na takht-o-taaj mein, na lashkar-o-sipah mein hai
Jo baat mard-e-qalandar ki baargah mein hai
Sanam-kadah hai jahan aur mard-e-haq hai Khalil
Yeh nukta woh hai ke posheeda La Ilaha mein hai
Wohi jahan hai tera jis ko tu kare paida
Yeh sang-o-khisht nahin jo teri nigah mein hai
Meh-o-sitara se aage maqam hai jis ka
Woh musht-e-khaak abhi aawargaan-e-rah mein hai
Khabar mili hai khudayan-e-bahr-o-bar se mujhe
Farang reh guzar-e-sail-e-be-panah mein hai
Talash us ki fizaaon mein kar naseeb apna
Jahan taza meri aah-e-subh-gah mein hai
Mere kadoo ko ghaneemat samajh ke baada-e-naab
Na madarse mein hai baqi na khanqah mein hai
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں