پریشاں ہو کے میری خاک آخر دل نہ بن جائے — علامہ اقبال
شاعر
پریشاں ہو کے میری خاک آخر دل نہ بن جائے
پریشاں ہو کے میری خاک آخر دل نہ بن جائے
جو مشکل اب ہے یا رب پھر وہی مشکل نہ بن جائے
نہ کر دیں مجھ کو مجبور نوا فردوس میں حوریں
مرا سوز دروں پھر گرمی محفل نہ بن جائے
کبھی چھوڑی ہوئی منزل بھی یاد آتی ہے راہی کو
کھٹک سی ہے جو سینے میں غم منزل نہ بن جائے
بنایا عشق نے دریائے ناپیدا کراں مجھ کو
یہ میری خود نگہداری مرا ساحل نہ بن جائے
کہیں اس عالم بے رنگ و بو میں بھی طلب میری
وہی افسانۂ دنبالۂ محمل نہ بن جائے
عروج آدم خاکی سے انجم سہمے جاتے ہیں
کہ یہ ٹوٹا ہوا تارا مہ کامل نہ بن جائے
Pareshan ho ke meri khaak akhir dil na ban jaaye
Pareshan ho ke meri khaak akhir dil na ban jaaye
Jo mushkil ab hai ya Rab phir wohi mushkil na ban jaaye
Na kar dein mujh ko majboor nawa-e-firdaus mein hoorein
Mera soz-e-daroon phir garmi-e-mehfil na ban jaaye
Kabhi chhooti hui manzil bhi yaad aati hai raahi ko
Khatak si hai jo seene mein gham-e-manzil na ban jaaye
Banaya ishq ne darya-e-na-paida-karan mujh ko
Yeh meri khud-nigahdaari mera saahil na ban jaaye
Kahin is aalam-e-be-rang-o-boo mein bhi talab meri
Wohi afsana-e-dunbala-e-mehmil na ban jaaye
Urooj-e-Adam-e-khaki se anjum sehme jaate hain
Ke yeh toota hua taara mah-e-kamil na ban jaaye
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں