پھر چراغ لالہ سے روشن ہوئے کوہ و دمن — علامہ اقبال
شاعر
پھر چراغ لالہ سے روشن ہوئے کوہ و دمن
پھر چراغ لالہ سے روشن ہوئے کوہ و دمن
مجھ کو پھر نغموں پہ اکسانے لگا مرغ چمن
پھول ہیں صحرا میں یا پریاں قطار اندر قطار
اودے اودے نیلے نیلے پیلے پیلے پیرہن
برگ گل پر رکھ گئی شبنم کا موتی باد صبح
اور چمکاتی ہے اس موتی کو سورج کی کرن
حسن بے پروا کو اپنی بے نقابی کے لیے
ہوں اگر شہروں سے بن پیارے تو شہر اچھے کہ بن
اپنے من میں ڈوب کر پا جا سراغ زندگی
تو اگر میرا نہیں بنتا نہ بن اپنا تو بن
من کی دنیا من کی دنیا سوز و مستی جذب و شوق
تن کی دنیا تن کی دنیا سود و سودا مکر و فن
من کی دولت ہاتھ آتی ہے تو پھر جاتی نہیں
تن کی دولت چھاؤں ہے آتا ہے دھن جاتا ہے دھن
من کی دنیا میں نہ پایا میں نے افرنگی کا راج
من کی دنیا میں نہ دیکھے میں نے شیخ و برہمن
پانی پانی کر گئی مجکو قلندر کی یہ بات
تو جھکا جب غیر کے آگے نہ من تیرا نہ تن
Phir chiragh-e-lalah se roshan hue koh-o-daman
Phir chiragh-e-lalah se roshan hue koh-o-daman
Mujh ko phir naghmon pe oksaane laga murgh-e-chaman
Phool hain sehra mein ya pariyaan qataar andar qataar
Oode oode, neele neele, peele peele pairahan
Barg-e-gul par rakh gai shabnam ka moti baad-e-subh
Aur chamkaati hai us moti ko sooraj ki kiran
Husn-e-be-parwa ko apni be-naqabi ke liye
Hoon agar shehron se ban pyare to shehar acche ke ban
Apne mann mein doob kar pa ja suraagh-e-zindagi
Tu agar mera nahin banta na ban apna to ban
Mann ki duniya, mann ki duniya soz-o-masti jazb-o-shauq
Tan ki duniya, tan ki duniya, sood-o-sauda, makr-o-fan
Mann ki daulat haath aati hai to phir jaati nahin
Tan ki daulat chhaaon hai, aata hai dhan, jaata hai dhan
Mann ki duniya mein na paya main ne afrangi ka raaj
Mann ki duniya mein na dekhe main ne shaikh-o-brahman
Pani pani kar gai mujh ko qalandar ki yeh baat
Tu jhuka jab ghair ke aage na mann tera na tan
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں