تو ابھی رہ گزر میں ہے قید مقام سے گزر — علامہ اقبال
شاعر
تو ابھی رہ گزر میں ہے قید مقام سے گزر
تو ابھی رہ گزر میں ہے قید مقام سے گزر
مصر و حجاز سے گزر پارس و شام سے گزر
جس کا عمل ہے بے غرض اس کی جزا کچھ اور ہے
حور و خیام سے گزر بادہ و جام سے گزر
گرچہ ہے دل کشا بہت حسن فرنگ کی بہار
طائرک بلند بام دانہ و دام سے گزر
کوہ شگاف تیری ضرب تجھ سے کشاد شرق و غرب
تیغ ہلال کی طرح عیش نیام سے گزر
تیرا امام بے حضور تیری نماز بے سرور
ایسی نماز سے گزر ایسے امام سے گزر
Tu abhi reh-guzar mein hai qaid-e-maqam se guzar
Tu abhi reh-guzar mein hai qaid-e-maqam se guzar
Misr-o-Hijaz se guzar Paras-o-Shaam se guzar
Jis ka amal hai be-gharaz us ki jaza kuchh aur hai
Hoor-o-Khiyaam se guzar baada-o-jaam se guzar
Garche hai dil-kusha bahut husn-e-farang ki bahar
Tairak-e-buland-baam dana-o-daam se guzar
Koh-shigaf teri zarb tujh se kushaad-e-sharq-o-gharb
Tegh-e-hilal ki tarah aish-e-niyam se guzar
Tera imam be-hazoor teri namaz be-sarwar
Aisi namaz se guzar aise imam se guzar
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں