تجھے یاد کیا نہیں ہے مرے دل کا وہ زمانہ — علامہ اقبال
شاعر
تجھے یاد کیا نہیں ہے مرے دل کا وہ زمانہ
تجھے یاد کیا نہیں ہے مرے دل کا وہ زمانہ
وہ ادب گہ محبت وہ نگہ کا تازیانہ
یہ بتان عصر حاضر کہ بنے ہیں مدرسے میں
نہ ادائے کافرانہ نہ تراش آزرانہ
نہیں اس کھلی فضا میں کوئی گوشۂ فراغت
یہ جہاں عجب جہاں ہے نہ قفس نہ آشیانہ
رگ تاک منتظر ہے تری بارش کرم کی
کہ عجم کے مے کدوں میں نہ رہی مے مغانہ
مرے ہم صفیر اسے بھی اثر بہار سمجھے
انہیں کیا خبر کہ کیا ہے یہ نوائے عاشقانہ
مرے خاک و خوں سے تو نے یہ جہاں کیا ہے پیدا
صلۂ شہید کیا ہے تب و تاب جاودانہ
تری بندہ پروری سے مرے دن گزر رہے ہیں
نہ گلہ ہے دوستوں کا نہ شکایت زمانہ
Tujhe yaad kya nahin hai mere dil ka woh zamana
Tujhe yaad kya nahin hai mere dil ka woh zamana
Woh adab-gah-e-mohabbat woh nigah ka taziyana
Yih butan-e-asr-e-hazir ke bane hain madrasay mein
Na adaa-e-kafirana na tarash-e-azarana
Nahin is khuli fiza mein koi gosha-e-faraghat
Yih jahan ajab jahan hai na qafas na aashiyana
Rag-e-taak muntazir hai teri barish-e-karam ki
Ke ajam ke mai-kadon mein na rahi mai-e-mughana
Mere hum-safeer use bhi asar-e-bahar samjhe
Unhain kya khabar ke kya hai yeh nawa-e-ashiqana
Mere khaak-o-khoon se tu ne yeh jahan kya hai paida
Sila-e-shaheed kya hai tab-o-taab-e-javidaana
Teri banda-parvari se mere din guzar rahe hain
Na gila hai doston ka na shikayat zamana
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں