وہی میری کم نصیبی وہی تیری بے نیازی — علامہ اقبال
شاعر
وہی میری کم نصیبی وہی تیری بے نیازی
وہی میری کم نصیبی وہی تیری بے نیازی
مرے کام کچھ نہ آیا یہ کمال نے نوازی
میں کہاں ہوں تو کہاں ہے یہ مکاں کہ لا مکاں ہے
یہ جہاں مرا جہاں ہے کہ تری کرشمہ سازی
اسی کشمکش میں گزریں مری زندگی کی راتیں
کبھی سوز و ساز رومیؔ کبھی پیچ و تاب رازیؔ
وہ فریب خوردہ شاہیں کہ پلا ہو کرگسوں میں
اسے کیا خبر کہ کیا ہے رہ و رسم شاہبازی
نہ زباں کوئی غزل کی نہ زباں سے باخبر میں
کوئی دل کشا صدا ہو عجمی ہو یا کہ تازی
نہیں فقر و سلطنت میں کوئی امتیاز ایسا
یہ سپہ کی تیغ بازی وہ نگہ کی تیغ بازی
کوئی کارواں سے ٹوٹا کوئی بد گماں حرم سے
کہ امیر کارواں میں نہیں خوئے دل نوازی
Wahi meri kam-naseebi wahi teri be-niyazi
Wahi meri kam-naseebi wahi teri be-niyazi
Mere kaam kuchh na aaya yeh kamaal-e-ne-nawazi
Main kahan hun tu kahan hai yeh makaan ke la-makaan hai
Yeh jahan mera jahan hai ke teri karishma-sazi
Isi kashmakash mein guzreen meri zindagi ki raatein
Kabhi soz-o-saaz-e-Rumi kabhi pech-o-taab-e-Razi
Woh fareb-khurda shaheen ke pala ho kargasoon mein
Use kya khabar ke kya hai reh-o-rasm-e-shahbazi
Na zubaan koi ghazal ki na zubaan se ba-khabar main
Koi dil-kusha sada ho ajami ho ya ke tazi
Nahin faqr-o-saltanat mein koi imtiyaz aisa
Yeh sipah ki tegh-bazi woh nigah ki tegh-bazi
Koi karwan se toota koi bad-guman Haram se
Ke ameer-e-karwan mein nahin khoo-e-dil-nawazi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں