یہ پیام دے گئی ہے مجھے باد صبح گاہی — علامہ اقبال
شاعر
یہ پیام دے گئی ہے مجھے باد صبح گاہی
یہ پیام دے گئی ہے مجھے باد صبح گاہی
کہ خودی کے عارفوں کا ہے مقام پادشاہی
تری زندگی اسی سے تری آبرو اسی سے
جو رہی خودی تو شاہی نہ رہی تو رو سیاہی
نہ دیا نشان منزل مجھے اے حکیم تو نے
مجھے کیا گلہ ہو تجھ سے تو نہ رہ نشیں نہ راہی
مرے حلقۂ سخن میں ابھی زیر تربیت ہیں
وہ گدا کہ جانتے ہیں رہ و رسم کج کلاہی
یہ معاملے ہیں نازک جو تری رضا ہو تو کر
کہ مجھے تو خوش نہ آیا یہ طریق خانقاہی
تو ہما کا ہے شکاری ابھی ابتدا ہے تیری
نہیں مصلحت سے خالی یہ جہان مرغ و ماہی
تو عرب ہو یا عجم ہو ترا لا الٰہ الا
لغت غریب جب تک ترا دل نہ دے گواہی
Yeh payam de gai hai mujhe baad-e-subh-gahi
Yeh payam de gai hai mujhe baad-e-subh-gahi
Ke khudi ke aarifon ka hai maqam-e-padshahi
Teri zindagi isi se teri aabroo isi se
Jo rahi khudi to shahi na rahi to roo-siyahi
Na diya nishan-e-manzil mujhe aye Hakeem tu ne
Mujhe kya gila ho tujh se tu na reh-nasheen na raahi
Mere halqa-e-sukhan mein abhi zer-e-tarbiyat hain
Woh gada ke jante hain reh-o-rasm-e-kaj-kulahi
Yih muamle hain nazuk jo teri raza ho to kar
Ke mujhe to khush na aaya yeh tareeq-e-khanqahi
Tu Huma ka hai shikari abhi ibteda hai teri
Nahin maslahat se khaali yeh jahan-e-murgh-o-mahi
Tu Arab ho ya Ajam ho tera La Ilaha Illa
Lughat-e-gareeb jab tak tera dil na de gawahi
شاعر کے بارے میں
علامہ ڈاکٹر محمد اقبال 9 نومبر 1877 کو سیالکوٹ میں پیدا ہوئے۔ ان کی ابتدائی تعلیم بھی انہی کے شہر میں ہوئی اور بعد میں انہوں نے گورنمنٹ کالج لاہور ...
مکمل تعارف پڑھیں