آنکھ کی راہ سے یا دل کی ڈگر سے پہلے
آنکھ کی راہ سے یا دل کی ڈگر سے پہلے اس کی مرضی وہ چلا آئے جدھر سے پہلے بڑھ گئی پھیلتی افواہ سے رفتار مری مل گیا میں مرے ملنے کی خبر سے پہلے کس لئے لگتا ہے ہر راہ گزر پر ہم کو جیسے گزرے ہیں ہم اس راہ گزر سے پہلے ایک اور شام تھی اک رات سے پہلے یارو ایک اور رات تھی اک اور سحر سے پہلے منزلیں پہلے ادھر سے کہ ادھر سے رستے کون جانے کہ چلا کون کدھر سے پہلے خاک اڑانا بھی ہے فن ورنہ کئی لوگوں نے خاک اڑائی ہے ترے خاک بسر سے پہلے
English rendering
Aankh ki raah se ya dil ki dagar se pehle Uski marzi woh chala aaye jidhar se pehle Badh gai phailti afwah se raftaar meri Mil gaya main mere milne ki khabar se pehle Kis liye lagta hai har raahguzar par hum ko Jaise guzre hain hum is raahguzar se pehle Ek aur sham thi ek raat se pehle yaaro Ek aur raat thi ek aur sahar se pehle Manzilen pehle udhar se ke idhar se raste Kaun jaane ke chala kaun kidhar se pehle Khaak udana bhi hai fan warna kai logon ne Khaak udaai hai tere khaak basar se pehle