آنکھ سے آنسو تو دل سے ڈر اٹھا کر لے گیا
آنکھ سے آنسو تو دل سے ڈر اٹھا کر لے گیا ایک منظر سارے پس منظر اٹھا کر لے گیا کس نے پہچانا یہاں ان کور بینوں میں مجھے کون میرا لاشۂ بے سر اٹھا کر لے گیا مل گیا مجھ میں جسے جو چاہیئے تھا اور پھر کوئی ہیرے اور کوئی پتھر اٹھا کر لے گیا میری آنکھیں شہر کے کوزہ گروں میں بٹ گئیں میرا سینہ ایک آہن گر اٹھا کر لے گیا جس سے اک پتھر نہ اٹھ پاتا تھا اب وہ ناتواں انگلیوں پر عشق کا خیبر اٹھا کر لے گیا سارے منظر ساتھ اس کے عمر بھر چلتے رہے اپنے کاندھوں پر وہ اپنا گھر اٹھا کر لے گیا
English rendering
Aankh se aansoo toh dil se dar utha kar le gaya Ek manzar saare pas-e-manzar utha kar le gaya Kis ne pehchana yahan in kor-beeno'n mein mujhe Kaun mera laasha-e-be-sar utha kar le gaya Mil gaya mujh mein jise jo chahiye tha aur phir Koi heere aur koi patthar utha kar le gaya Meri aankhein shehr ke koza-garo'n mein bat gayin Mera seena ek aahan-gar utha kar le gaya Jis se ek patthar na uth paata tha ab woh natawan Ungliyon par ishq ka khaibar utha kar le gaya Saare manzar saath us ke umar bhar chalte rahe Apne kaandhon par woh apna ghar utha kar le gaya