دھمال وہ پڑا کہ بدن پست ہو گیا
دھمال وہ پڑا کہ بدن پست ہو گیا آئی جو مجھ کو ہجر کی بو مست ہو گیا سب تیر میرے قلب سے ہو کر گزر گئے لیکن وہ ایک تیر کہ پیوست ہو گیا پھر ایک بار دولت دیدار دے کہ میں اے بادشاہ حسن تہی دست ہو گیا وہ فاصلہ ابد سے ازل تک کا فاصلہ نکلا جو اپنے آپ سے اک جست ہو گیا اشکوں کی ایک اور بغاوت کچل گئی آنکھوں کا پھر درست در و بست ہو گیا جی بھی لیا نہ آئی مجھے موت جب تلک یہ ایک اور کام سر دست ہو گیا
English rendering
Dhamaal wo pada ke badan past ho gaya Aayi jo mujh ko hijr ki boo mast ho gaya Sab teer mere qalb se ho kar guzar gaye Lekin wo ek teer ke paiwast ho gaya Phir ek baar daulat-e-deedaar de ke main Ay badshah-e-husn tehi-dast ho gaya Wo faasla abad se azal tak ka faasla Nikla jo apne aap se ek jast ho gaya Ashkon ki ek aur baghawat kuchal gayi Aankhon ka phir durust dar-o-bast ho gaya Jee bhi liya na aayi mujhe maut jab talak Ye ek aur kaam sar-e-dast ho gaya