کیسی جادو بیانیاں ہم تھے
کیسی جادو بیانیاں ہم تھے جب تمہاری کہانیاں ہم تھے ہمیں ڈھونڈو نہ رائیگانی میں رائیگاں رائیگانیاں ہم تھے جن کو ہونا تھا بے نشاں اک دن چند ایسی نشانیاں ہم تھے ندیاں تھیں کسی کے ہونٹھوں میں ندیوں کی روانیاں ہم تھے اک بگولے نے یہ کہا مجھ سے تیری راتوں کی رانیاں ہم تھے تیرے ہونٹھوں میں تیرے عارض میں ہر طرف گلفشانیاں ہم تھے یوںہی ہونے کو ہو گئے واقع ناگہاں ناگہانیاں ہم تھے اب بھی تشنہ دہانیاں ہم ہیں جب بھی تشنہ دہانیاں ہم تھے
English rendering
Kaisi jadoo bayaniyan hum the Jab tumhari kahaniyan hum the Hamein ḍhoonḍho na raaigani mein Raaigaan raaiganiyan hum the Jin ko hona tha be-nishan ek din Chand aisi nishaniyan hum the Nadiyan thin kisi ke honṭhon mein Nadiyon ki rawaniyan hum the Ek bagole ne yeh kaha mujh se Teri raaton ki raniyan hum the Tere honṭhon mein tere aariz mein Har taraf gul-fishaniyan hum the Yunhi hone ko ho gaye waqia Nagahan nagahaniyan hum the Ab bhi tishna-dahaniyan hum hi hain Jab bhi tishna-dahaniyan hum the