امیر امام

English rendering

Khamoshi-e-dil kisi shab itna dar jayenge hum Chonk kar ik saans ki aahaṭ se mar jayenge hum Aasmaan sooraj nikal aaye bas itna sabr kar Saath kirnon ke zameen par phir utar jayenge hum Khushk hontoñ ne bulaya hai hamein darbaar mein Saath le ke apne nazr chashm-e-tar jayenge hum Sochti rah jayegi duniya use kya naam doon Zindagi tujh mein ik aisa rang bhar jayenge hum Ab nahin baitha karenge bas mein khidki ki taraf Teri basti ko bana dekhe guzar jayenge hum Ye jahan nikla tawaqqo se zyada mukhtasar Alwida ae dosto ab apne ghar jayenge hum