نیند کے بوجھ سے پلکوں کو جھپکتی ہوئی آئی
نیند کے بوجھ سے پلکوں کو جھپکتی ہوئی آئی صبح جب رات کی گلیوں میں بھٹکتی ہوئی آئی دیدۂ خشک میں اک ماہیٔ بے آب تھی نیند چشمۂ خواب تلک آئی پھڑکتی ہوئی آئی اور پھر کیا ہوا کچھ یاد نہیں ہے مجھ کو ایک بجلی تھی کہ سینہ میں لپکتی ہوئی آئی آج کیا پھر کسی آواز نے بیعت مانگی یہ مری خامشی جو پاؤں پٹکتی ہوئی آئی رات گھبرا گئی سورج سے کہا ال مددے وہ بصد ناز جو زلفوں کو جھٹکتی ہوئی آئی ہو گئی خیر ترا نام نہ آیا لب پر ایک آہٹ تری خوشبو میں مہکتی ہوئی آئی وقت رخصت مری آنکھوں کی طرح چپ تھی جو یاد اے مرے دل تری مانند دھڑکتی ہوئی آئی
English rendering
Neend ke bojh se palkon ko jhapakti hui aayi Subah jab raat ki galiyon mein bhatakti hui aayi Deeda-e-khushk mein ik maahi-e-be-aab thi neend Chashma-e-khwaab talak aayi phadakti hui aayi Aur phir kya hua kuch yaad nahin hai mujh ko Ek bijli thi ke seena mein lapakti hui aayi Aaj kya phir kisi aawaaz ne bai'at maangi Yeh meri khamoshi jo paaon patakti hui aayi Raat ghabra gai Sooraj se kaha 'al madad-e' Woh ba-sad naaz jo zulfon ko jhatakti hui aayi Ho gai khair tera naam na aaya lab par Ek aahat teri khushboo mein mahakti hui aayi Waqt-e-rukhsat meri aankhon ki tarah chup thi jo yaad Aye mere dil teri maanind dhadakti hui aayi