شہر میں سارے چراغوں کی ضیا خاموش ہے
شہر میں سارے چراغوں کی ضیا خاموش ہے تیرگی ہر سمت پھیلا کر ہوا خاموش ہے صبح کو پھر شور کے ہمراہ چلنا ہے اسے رات میں یوں دل دھڑکنے کی صدا خاموش ہے کیسا سناٹا تھا جس میں لفظ کن کہنے کے بعد گنبد افلاک میں اب تک خدا خاموش ہے کچھ بتاتا ہی نہیں گزری ہے کیا پردیس میں اپنے گھر کو لوٹتا ایک قافلہ خاموش ہے اٹھ رہی ہے میری مٹی سے صدائے العطش خالی مشکیزہ لئے اپنا گھٹا خاموش ہے
English rendering
Sheher mein saare charaghon ki ziya khamosh hai Tareegi har simt phaila kar hawa khamosh hai Subah ko phir shor ke hamraah chalna hai use Raat mein yun dil dhadakne ki sada khamosh hai Kaisa sannata tha jis mein lafz 'kun' kehne ke baad Gumbad-e-aflaak mein ab tak Khuda khamosh hai Kuch batata hi nahin guzri hai kya pardes mein Apne ghar ko laut-ta ek qaafila khamosh hai Uth rahi hai meri mitti se sada-e-al-atash Khaali mashkeezah liye apna ghata khamosh hai