وہ اپنے بند قبا کھولتی تو کیا لگتی
وہ اپنے بند قبا کھولتی تو کیا لگتی خدا کے واسطے کوئی کہے خدا لگتی یقین تھی تو یقیں میں سما گئی کیسے گمان تھی تو گماں سے بھی ماورا لگتی اگر بکھرتی تو سورج کبھی نہیں اگتا ترے خیال کہ وہ زلف بس گھٹا لگتی ترے مریض کو دنیا میں کچھ نہیں لگتا دوا لگے نہ رقیبوں کی بد دعا لگتی ہوئی ہے قید زمانہ میں روشنی کس سے بھلا وہ جسم اور اس کو کوئی قبا لگتی لگی وہ تجھ سی تو عالم میں منفرد ٹھہری وگرنہ عام سی لگتی اگر جدا لگتی
English rendering
Woh apne band-e-qaba kholti to kya lagti Khuda ke waaste koi kahe khuda lagti Yaqeen thi to yaqeen mein sama gayi kaise Gumaan thi to gumaan se bhi mawra lagti Agar bikharti to suraj kabhi nahin ugta Tere khayal ke woh zulf bas ghata lagti Tere mareez ko duniya mein kuch nahin lagta Dawa lage na raqeebon ki bad dua lagti Hui hai qaid-e-zamana mein roshni kis se Bhala woh jism aur us ko koi qaba lagti Lagi woh tujh si to alam mein munfarid thehri Wagarna aam si lagti agar juda lagti