بات کرنی مجھے مشکل کبھی ایسی تو نہ تھی — بہادرشاہ ظفر
شاعر
بات کرنی مجھے مشکل کبھی ایسی تو نہ تھی
بات کرنی مجھے مشکل کبھی ایسی تو نہ تھی
جیسی اب ہے تری محفل کبھی ایسی تو نہ تھی
لے گیا چھین کے کون آج ترا صبر و قرار
بے قراری تجھے اے دل کبھی ایسی تو نہ تھی
اس کی آنکھوں نے خدا جانے کیا کیا جادو
کہ طبیعت مری مائل کبھی ایسی تو نہ تھی
عکس رخسار نے کس کے ہے تجھے چمکایا
تاب تجھ میں مہ کامل کبھی ایسی تو نہ تھی
اب کی جو راہ محبت میں اٹھائی تکلیف
سخت ہوتی ہمیں منزل کبھی ایسی تو نہ تھی
پائے کوباں کوئی زنداں میں نیا ہے مجنوں
آتی آواز سلاسل کبھی ایسی تو نہ تھی
نگہ یار کو اب کیوں ہے تغافل اے دل
وہ ترے حال سے غافل کبھی ایسی تو نہ تھی
چشم قاتل مری دشمن تھی ہمیشہ لیکن
جیسی اب ہو گئی قاتل کبھی ایسی تو نہ تھی
کیا سبب تو جو بگڑتا ہے ظفرؔ سے ہر بار
خو تری حور شمائل کبھی ایسی تو نہ تھی
baat karni mujhe mushkil kabhi aisi to na thi
baat karni mujhe mushkil kabhi aisi to na thi
jaisi ab hai teri mehfil kabhi aisi to na thi
le gaya chheen ke kaun aaj tera sabr o qarar
beqarari tujhe ae dil kabhi aisi to na thi
us ki aankhon ne Khuda jaane kya kya jadoo
ke tabiyat meri mail kabhi aisi to na thi
aks-e-rukhsaar ne kis ke hai tujhe chamkaya
taab tujh mein mah-e-kamil kabhi aisi to na thi
ab ki jo raah-e-mohabbat mein uthai takleef
sakht hoti humein manzil kabhi aisi to na thi
paa-e-kooban koi zindan mein naya hai Majnoon
aati awaaz-e-salasil kabhi aisi to na thi
nigah-e-yaar ko ab kyun hai taghaful ae dil
woh tere haal se ghafil kabhi aisi to na thi
chashm-e-qatil meri dushman thi hamesha lekin
jaisi ab ho gayi qatil kabhi aisi to na thi
kya sabab tu jo bigadta hai Zafar se har baar
khu teri hoor shamail kabhi aisi to na thi
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں