یا مجھے افسر شاہانہ بنایا ہوتا — بہادرشاہ ظفر
شاعر
یا مجھے افسر شاہانہ بنایا ہوتا
یا مجھے افسر شاہانہ بنایا ہوتا
یا مرا تاج گدایانہ بنایا ہوتا
اپنا دیوانہ بنایا مجھے ہوتا تو نے
کیوں خرد مند بنایا نہ بنایا ہوتا
خاکساری کے لیے گرچہ بنایا تھا مجھے
کاش خاک در جانانہ بنایا ہوتا
نشۂ عشق کا گر ظرف دیا تھا مجھ کو
عمر کا تنگ نہ پیمانہ بنایا ہوتا
دل صد چاک بنایا تو بلا سے لیکن
زلف مشکیں کا ترے شانہ بنایا ہوتا
صوفیوں کے جو نہ تھا لائق صحبت تو مجھے
قابل جلسۂ رندانہ بنایا ہوتا
تھا جلانا ہی اگر دورئ ساقی سے مجھے
تو چراغ در مے خانہ بنایا ہوتا
شعلۂ حسن چمن میں نہ دکھایا اس نے
ورنہ بلبل کو بھی پروانہ بنایا ہوتا
روز معمورۂ دنیا میں خرابی ہے ظفرؔ
ایسی بستی کو تو ویرانہ بنایا ہوتا
Ya mujhe afsar-e-shaahāna banāyā hotā
Ya mujhe afsar-e-shaahāna banāyā hotā
Ya mera tāj-e-gadāyāna banāyā hotā
Apna dīwāna banāyā mujhe hota tu ne
Kyoñ khirad-mand banāyā na banāyā hotā
Khāksārī ke liye garche banāyā tha mujhe
Kāsh khāk-e-dar-e-jānāna banāyā hotā
Nasha-e-ishq ka gar zarf diyā tha mujh ko
Umr ka tang na paimāna banāyā hotā
Dil sad chāk banāyā to balā se lekin
Zulf-e-mushkīñ ka tere shāna banāyā hotā
Ṣūfiyoñ ke jo na tha lāiq-e-ṣuhbat to mujhe
Qābil-e-jalsa-e-rindāna banāyā hotā
Tha jalānā hi agar daur-e-sāqī se mujhe
To charāgh-e-dar-e-mai-khāna banāyā hotā
Shola-e-husn-e-chaman mein na dikhāya us ne
Warna bulbul ko bhi parwāna banāyā hotā
Roz-e-ma'mūra duniyā mein kharābī hai Zafar
Aisi bastī ko to veerāna banāyā hotā
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں