بھری ہے دل میں جو حسرت کہوں تو کس سے کہوں — بہادرشاہ ظفر
شاعر
بھری ہے دل میں جو حسرت کہوں تو کس سے کہوں
بھری ہے دل میں جو حسرت کہوں تو کس سے کہوں
سنے ہے کون مصیبت کہوں تو کس سے کہوں
جو تو ہو صاف تو کچھ میں بھی صاف تجھ سے کہوں
ترے ہے دل میں کدورت کہوں تو کس سے کہوں
نہ کوہ کن ہے نہ مجنوں کہ تھے مرے ہمدرد
میں اپنا درد محبت کہوں تو کس سے کہوں
دل اس کو آپ دیا آپ ہی پشیماں ہوں
کہ سچ ہے اپنی ندامت کہوں تو کس سے کہوں
کہوں میں جس سے اسے ہووے سنتے ہی وحشت
پھر اپنا قصۂ وحشت کہوں تو کس سے کہوں
رہا ہے تو ہی تو غم خوار اے دل غمگیں
ترے سوا غم فرقت کہوں تو کس سے کہوں
جو دوست ہو تو کہوں تجھ سے دوستی کی بات
تجھے تو مجھ سے عداوت کہوں تو کس سے کہوں
نہ مجھ کو کہنے کی طاقت کہوں تو کیا احوال
نہ اس کو سننے کی فرصت کہوں تو کس سے کہوں
کسی کو دیکھتا اتنا نہیں حقیقت میں
ظفرؔ میں اپنی حقیقت کہوں تو کس سے کہوں
bhari hai dil mein jo hasrat kahoon to kis se kahoon
bhari hai dil mein jo hasrat kahoon to kis se kahoon
sune hai kaun museebat kahoon to kis se kahoon
jo tu ho saaf to kuch main bhi saaf tujh se kahoon
tere hai dil mein kudurat kahoon to kis se kahoon
na Koh-kan hai na Majnoon ke the mere hamdard
main apna dard-e-mohabbat kahoon to kis se kahoon
dil us ko aap diya aap hi pashemaan hoon
ke sach hai apni nadamat kahoon to kis se kahoon
kahoon main jis se use howe sunte hi wehshat
phir apna qissa-e-wehshat kahoon to kis se kahoon
raha hai tu hi tu gham-khwar ae dil-e-ghamgeen
tere siwa gham-e-furqat kahoon to kis se kahoon
jo dost ho to kahoon tujh se dosti ki baat
tujhe to mujh se adawat kahoon to kis se kahoon
na mujh ko kehne ki taaqat kahoon to kya ahwal
na us ko sunne ki fursat kahoon to kis se kahoon
kisi ko dekhta itna nahin haqeeqat mein
Zafar main apni haqeeqat kahoon to kis se kahoon
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں