دیکھو انساں خاک کا پتلا بنا کیا چیز ہے — بہادرشاہ ظفر
شاعر
دیکھو انساں خاک کا پتلا بنا کیا چیز ہے
دیکھو انساں خاک کا پتلا بنا کیا چیز ہے
بولتا ہے اس میں کیا وہ بولتا کیا چیز ہے
روبرو اس زلف کے دام بلا کیا چیز ہے
اس نگہ کے سامنے تیر قضا کیا چیز ہے
یوں تو ہیں سارے بتاں غارتگر ایمان و دیں
ایک وہ کافر صنم نام خدا کیا چیز ہے
جس نے دل میرا دیا دام محبت میں پھنسا
وہ نہیں معلوم مج کو ناصحا کیا چیز ہے
ہووے اک قطرہ جو زہراب محبت کا نصیب
خضر پھر تو چشمۂ آب بقا کیا چیز ہے
مرگ ہی صحت ہے اس کی مرگ ہی اس کا علاج
عشق کا بیمار کیا جانے دوا کیا چیز ہے
دل مرا بیٹھا ہے لے کر پھر مجھی سے وہ نگار
پوچھتا ہے ہاتھ میں میرے بتا کیا چیز ہے
خاک سے پیدا ہوئے ہیں دیکھ رنگا رنگ گل
ہے تو یہ ناچیز لیکن اس میں کیا کیا چیز ہے
جس کی تجھ کو جستجو ہے وہ تجھی میں ہے ظفرؔ
ڈھونڈتا پھر پھر کے تو پھر جا بجا کیا چیز ہے
Dekho insaan khaak ka putla bana kya cheez hai
Dekho insaan khaak ka putla bana kya cheez hai
Bolta hai is mein kya wo bolta kya cheez hai
Rubaru us zulf ke daam-e-bala kya cheez hai
Is nigah ke saamne teer-e-qaza kya cheez hai
Yun to hain saare butaan gharatgar-e-imaan-o-deen
Ek wo kafir sanam naam-e-khuda kya cheez hai
Jis ne dil mera diya daam-e-mohabbat mein phansa
Wo nahin maloom mujh ko naseha kya cheez hai
Hue ek qatra jo zahrab-e-mohabbat ka naseeb
Khizr phir to chashma-e-ab-e-baqa kya cheez hai
Marg hi sehat hai us ki marg hi us ka ilaaj
Ishq ka bimar kya jaane dawa kya cheez hai
Dil mera baitha hai le kar phir mujhi se wo nigar
Poochhta hai haath mein mere bata kya cheez hai
Khaak se paida hue hain dekh ranga rang gul
Hai to ye nacheez lekin is mein kya kya cheez hai
Jis ki tujh ko justuju hai wo tujhi mein hai Zafar!
Dhoondta phir phir ke tu phir baja kya cheez hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں