گئی یک بہ یک جو ہوا پلٹ نہیں دل کو میرے قرار ہے — بہادرشاہ ظفر
شاعر
گئی یک بہ یک جو ہوا پلٹ نہیں دل کو میرے قرار ہے
گئی یک بہ یک جو ہوا پلٹ نہیں دل کو میرے قرار ہے
کروں اس ستم کو میں کیا بیاں مرا غم سے سینہ فگار ہے
یہ رعایۂ ہند تبہ ہوئی کہوں کیا جو ان پہ جفا ہوئی
جسے دیکھا حاکم وقت نے کہا یہ بھی قابل دار ہے
یہ کسی نے ظلم بھی ہے سنا کہ دی پھانسی لوگوں کو بے گناہ
وہی کلمہ گویوں کی سمت سے ابھی دل میں ان کے بخار ہے
نہ تھا شہر دہلی یہ تھا چمن کہو کس طرح کا تھا یاں امن
جو خطاب تھا وہ مٹا دیا فقط اب تو اجڑا دیار ہے
یہی تنگ حال جو سب کا ہے یہ کرشمہ قدرت رب کا ہے
جو بہار تھی سو خزاں ہوئی جو خزاں تھی اب وہ بہار ہے
شب و روز پھول میں جو تلے کہو خار غم کو وہ کیا سہے
ملے طوق قید میں جب انہیں کہا گل کے بدلے یہ ہار ہے
سبھی جادہ ماتم سخت ہے کہو کیسی گردش بخت ہے
نہ وہ تاج ہے نہ وہ تخت ہے نہ وہ شاہ ہے نہ دیار ہے
جو سلوک کرتے تھے اور سے وہی اب ہیں کتنے ذلیل سے
وہ ہیں تنگ چرخ کے جور سے رہا تن پہ ان کے نہ تار ہے
نہ وبال تن پہ ہے سر مرا نہیں جان جانے کا ڈر ذرا
کٹے غم ہی، نکلے جو دم مرا مجھے اپنی زندگی بار ہے
کیا ہے غم ظفرؔ تجھے حشر کا جو خدا نے چاہا تو برملا
ہمیں ہے وسیلہ رسول کا وہ ہمارا حامیٔ کار ہے
Gayi yak ba yak jo hawa palat nahin dil ko mere qaraar hai
Gayi yak ba yak jo hawa palat nahin dil ko mere qaraar hai
Karoon is sitam ko main kya bayan mera gham se seena figar hai
Ye ra'aya-e-Hind tabah hui kahoon kya jo un pe jafa hui
Jise dekha hakim-e-waqt ne kaha ye bhi qabil-e-daar hai
Ye kisi ne zulm bhi hai suna ke di phansi logon ko be-gunah
Wohi kalma-goiyon ki simt se abhi dil mein un ke bukhar hai
Na tha shehr-e-Dehli ye tha chaman kaho kis tarah ka tha yaan aman
Jo khitaab tha wo mita diya faqat ab to ujda dayar hai
Yahi tang haal jo sab ka hai ye karishma-e-qudrat-e-rab ka hai
Jo bahar thi so khizan hui jo khizan thi ab wo bahar hai
Shab-o-roz phool mein jo tule kaho khar-e-gham ko wo kya sahe
Mile tauq-e-qaid mein jab inhain kaha gul ke badle ye haar hai
Sabhi jada-e-matam sakht hai kaho kaisi gardish-e-bakht hai
Na wo taj hai na wo takht hai na wo shah hai na dayar hai
Jo sulook karte the aur se wohi ab hain kitne zaleel se
Wo hain tang charkh ke jaur se raha tan pe un ke na taar hai
Na wabaal tan pe hai sar mera nahin jaan jaane ka dar zara
Kate gham hi, nikle jo dam mera mujhe apni zindagi baar hai
Kya hai gham Zafar! tujhe hashr ka jo Khuda ne chaha to bar-mala
Hamein hai waseela rasool ka wo hamara hami-e-kaar hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں