ہوتے ہوتے چشم سے آج اشک باری رہ گئی — بہادرشاہ ظفر
شاعر
ہوتے ہوتے چشم سے آج اشک باری رہ گئی
ہوتے ہوتے چشم سے آج اشک باری رہ گئی
آبرو بارے تری ابر بہاری رہ گئی
آتے آتے اس طرف ان کی سواری رہ گئی
دل کی دل میں آرزوئے جاں نثاری رہ گئی
ہم کو خطرہ تھا کہ لوگوں میں تھا چرچا اور کچھ
بات خط آنے سے تیرے پر ہماری رہ گئی
ٹکڑے ٹکڑے ہو کے اڑ جائے گا سب سنگ مزار
دل میں بعد از مرگ کچھ گر بے قراری رہ گئی
اتنا ملیے خاک میں جو خاک میں ڈھونڈے کوئی
خاکساری خاک کی گر خاکساری رہ گئی
آؤ گر آنا ہے کیوں گن گن کے رکھتے ہو قدم
اور کوئی دم کی ہے یاں دم شماری رہ گئی
ہو گیا جس دن سے اپنے دل پر اس کو اختیار
اختیار اپنا گیا بے اختیاری رہ گئی
جب قدم اس کافر بدکیش کی جانب بڑھے
دور پہنچے سو قدم پرہیزگاری رہ گئی
کھینچتے ہی تیغ ادا کے دم ہوا اپنا ہوا
آہ دل میں آرزوئے زخم کاری رہ گئی
اور تو غم خوار سارے کر چکے غم خوارگی
اب فقط ہے ایک غم کی غم گساری رہ گئی
شکوہ عیاری کا یاروں سے بجا ہے اے ظفرؔ
اس زمانے میں یہی ہے رسم یاری رہ گئی
Hote hote chashm se aaj ashk-bari reh gayi
Hote hote chashm se aaj ashk-bari reh gayi
Aabroo bare teri abr-e-bahari reh gayi
Aate aate is taraf un ki sawari reh gayi
Dil ki dil mein arzoo-e-jan-nisari reh gayi
Hum ko khatra tha ke logon mein tha charcha aur kuch
Baat khat aane se tere par hamari reh gayi
Tukde tukde ho ke ud jaega sab sang-e-mazar
Dil mein baad az marg kuch gar beqarari reh gayi
Itna miliye khaak mein jo khaak mein dhoonde koi
Khaksari khaak ki gar khaksari reh gayi
Aao gar aana hai kyun gin gin ke rakhte ho qadam
Aur koi dam ki hai yaan dam-shumari reh gayi
Ho gaya jis din se apne dil par us ko ikhtiyar
Ikhtiyar apna gaya be-ikhtiyari reh gayi
Jab qadam us kafir-e-badkesh ki jaanib badhe
Door pahunche sau qadam parhezgari reh gayi
Kheenchte hi tegh-e-ada ke dam hua apna hawa
Aah dil mein arzoo-e-zakhm-e-kari reh gayi
Aur to ghamkhwar saare kar chuke ghamkhwari
Ab faqat hai ek gham ki ghamgusari reh gayi
Shikwa ayyari ka yaaron se baja hai aye Zafar!
Is zamane mein yehi hai rasm-e-yari reh gayi
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں