ہم یہ تو نہیں کہتے کہ غم کہہ نہیں سکتے — بہادرشاہ ظفر
شاعر
ہم یہ تو نہیں کہتے کہ غم کہہ نہیں سکتے
ہم یہ تو نہیں کہتے کہ غم کہہ نہیں سکتے
پر جو سبب غم ہے وہ ہم کہہ نہیں سکتے
ہم دیکھتے ہیں تم میں خدا جانے بتو کیا
اس بھید کو اللہ کی قسم کہہ نہیں سکتے
رسوائے جہاں کرتا ہے رو رو کے ہمیں تو
ہم تجھے کچھ اے دیدۂ نم کہہ نہیں سکتے
کیا پوچھتا ہے ہم سے تو اے شوخ ستم گر
جو تو نے کئے ہم پہ ستم کہہ نہیں سکتے
ہے صبر جنہیں تلخ کلامی کو تمہاری
شربت ہی بتاتے ہیں سم کہہ نہیں سکتے
جب کہتے ہیں کچھ بات رکاوٹ کی ترے ہم
رک جاتا ہے یہ سینہ میں دم کہہ نہیں سکتے
اللہ رے ترا رعب کہ احوال دل اپنا
دے دیتے ہیں ہم کر کے رقم کہہ نہیں سکتے
طوبائے بہشتی ہے تمہارا قد رعنا
ہم کیونکر کہیں سرو ارم کہہ نہیں سکتے
جو ہم پہ شب ہجر میں اس ماہ لقا کے
گزرے ہیں ظفرؔ رنج و الم کہہ نہیں سکتے
Hum ye to nahin kehte ke gham keh nahin sakte
Hum ye to nahin kehte ke gham keh nahin sakte
Par jo sabab-e-gham hai wo hum keh nahin sakte
Hum dekhte hain tum mein Khuda jaane bato kya
Is bhed ko Allah ki qasam keh nahin sakte
Ruswa-e-jahan karta hai ro ro ke hamein tu
Hum tujhe kuch aye deeda-e-nam keh nahin sakte
Kya poochhta hai hum se tu aye shokh-e-sitamgar
Jo tu ne kiye hum pe sitam keh nahin sakte
Hai sabr jinhe talkh-kalamee ko tumhari
Sharbat hi batate hain sam keh nahin sakte
Jab kehte hain kuch baat rukawat ki tere hum
Ruk jata hai ye seena mein dam keh nahin sakte
Allah re tera raub ke ahwal-e-dil apna
De dete hain hum kar ke raqam keh nahin sakte
Toobaye bahishti hai tumhara qad-e-ra'ana
Hum kyun kar kahein sarv-e-iram keh nahin sakte
Jo hum pe shab-e-hijr mein us mah-e-laqa ke
Guzre hain Zafar! ranj-o-alam keh nahin sakte
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں