عشق تو مشکل ہے اے دل کون کہتا سہل ہے — بہادرشاہ ظفر
شاعر
عشق تو مشکل ہے اے دل کون کہتا سہل ہے
عشق تو مشکل ہے اے دل کون کہتا سہل ہے
لیک نادانی سے اپنی تو نے سمجھا سہل ہے
گر کھلے دل کی گرہ تجھ سے تو ہم جانیں تجھے
اے صبا غنچے کا عقدہ کھول دینا سہل ہے
ہمدمو دل کے لگانے میں کہو لگتا ہے کیا
پر چھڑانا اس کا مشکل ہے لگانا سہل ہے
گرچہ مشکل ہے بہت میرا علاج درد دل
پر جو تو چاہے تو اے رشک مسیحا سہل ہے
ہے بہت دشوار مرنا یہ سنا کرتے تھے ہم
پر جدائی میں تری ہم نے جو دیکھا سہل ہے
شمع نے جل کر جلایا بزم میں پروانے کو
بن جلے اپنے جلانا کیا کسی کا سہل ہے
عشق کا رستہ سراسر ہے دم شمشیر پر
بوالہوس اس راہ میں رکھنا قدم کیا سہل ہے
اے ظفرؔ کچھ ہو سکے تو فکر کر عقبیٰ کا تو
کر نہ دنیا کا تردد کار دنیا سہل ہے
Ishq to mushkil hai ae dil kaun kahta sahl hai
Ishq to mushkil hai ae dil kaun kahta sahl hai
Lekin nadani se apni tu ne samjha sahl hai
Gar khule dil ki girah tujh se to hum jaanen tujhe
Ae saba ghunche ka uqda khol dena sahl hai
Hamdamo dil ke lagane mein kaho lagta hai kya
Par chhudana is ka mushkil hai lagana sahl hai
Garcha mushkil hai bahut mera ilaj-e-dard-e-dil
Par jo tu chahe to ae rashk-e-masiha sahl hai
Hai bahut dushwar marna ye suna karte the hum
Par judai mein teri hum ne jo dekha sahl hai
Shama ne jal kar jalaya bazm mein parwane ko
Bin jale apne jalana kya kisi ka sahl hai
Ishq ka rasta sarasar hai dam-e-shamshir par
Bu-al-hawas is rah mein rakhna qadam kya sahl hai
Ae Zafar! Kuchh ho sake to fikr kar uqba ka tu
Kar na duniya ka taraddud kar-e-duniya sahl hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں