جب کہ پہلو میں ہمارے بت خود کام نہ ہو — بہادرشاہ ظفر
شاعر
جب کہ پہلو میں ہمارے بت خود کام نہ ہو
جب کہ پہلو میں ہمارے بت خود کام نہ ہو
گریے سے شام و سحر کیوں کہ ہمیں کام نہ ہو
لے گیا دل کا جو آرام ہمارے یا رب
اس دل آرام کو مطلق کبھی آرام نہ ہو
جس کو سمجھے لب پاں خوردہ وہ مالیدہ مسی
مردماں دیکھیو پھولی وہ کہیں شام نہ ہو
آج تشریف گلستاں میں وہ مے کش لایا
کف نرگس پہ دھرا کیونکہ بھلا جام نہ ہو
کر مجھے قتل وہاں اب کہ نہ ہو کوئی جہاں
تا مری جاں تو کہیں خلق میں بدنام نہ ہو
دیکھ کر کھولیو تو کاکل پیچاں کی گرہ
کہ مرا طائر دل اس کے تہ دام نہ ہو
بن ترے اے بت خود کام یہ دل کو ہے خطر
تیرے عاشق کا تمام آہ کہیں کام نہ ہو
آج ہر ایک جو یارو نظر آتا ہے نڈھال
اپنی ابرو کی وہ کھینچے ہوئے صمصام نہ ہو
ہے مرے شوخ کی بالیدہ وہ کافر آنکھیں
جس کے ہم چشم ذرا نرگس بادام نہ ہو
صبح ہوتی ہی نہیں اور نہیں کٹتی رات
رخ پہ کھولے وہ کہیں زلف سیاہ فام نہ ہو
اے ظفرؔ چرخ پہ خورشید جو یوں کانپے ہے
جلوہ گر آج کہیں یار لب بام نہ ہو
Jab ki pahlu mein hamare but-e-khud-kam na ho
Jab ki pahlu mein hamare but-e-khud-kam na ho
Gareban se sham-o-sahar kyunkar hamen kam na ho
Le gaya dil ka jo aaram hamare ya Rab
Is dil-aaram ko mutlaq kabhi aaram na ho
Jis ko samjhe lab pan-khurda woh malida massi
Mardumaan dekhiyo phooli woh kahin sham na ho
Aaj tashreef-e-gulistan mein woh mai-kash laya
Kaf-e-nargis pe dhara kyunkar bhala jam na ho
Kar mujhe qatl wahan ab ki na ho koi jahan
Ta meri jaan tu kahin khalq mein badnam na ho
Dekh kar kholiyo tu kakul-e-pechan ki girah
Ki mera taair-e-dil uske teh-e-dam na ho
Bin tere ae but-e-khud-kam ye dil ko hai khatar
Tere aashiq ka tamam aah kahin kam na ho
Aaj har ek jo yaro nazar aata hai nidhal
Apni abroo ki woh khenche hue samsam na ho
Hai mere shokh ki balida woh kafir aankhen
Jis ke hum-chashm zara nargis-e-badam na ho
Subh hoti hi nahin aur nahin katti raat
Rukh pe khole woh kahin zulf-e-siyah-fam na ho
Ae Zafar! Charkh pe khursheed jo yun kaanpe hai
Jalwa-gar aaj kahin yaar lab-e-baam na ho
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں