کریں گے قصد ہم جس دم تمہارے گھر میں آویں گے — بہادرشاہ ظفر
شاعر
کریں گے قصد ہم جس دم تمہارے گھر میں آویں گے
کریں گے قصد ہم جس دم تمہارے گھر میں آویں گے
جو ہوگی عمر بھر کی راہ تو دم بھر میں آویں گے
اگر ہاتھوں سے اس شیریں ادا کے ذبح ہوں گے ہم
تو شربت کے سے گھونٹ آب دم خنجر میں آویں گے
یہی گر جوش گریہ ہے تو بہہ کر ساتھ اشکوں کے
ہزاروں پارۂ دل میرے چشم تر میں آویں گے
گر اس قید بلا سے اب کی چھوٹیں گے تو پھر ہرگز
نہ ہم دام فریب شوخ غارت گر میں آویں گے
نہ جاتے گرچہ مر جاتے جو ہم معلوم کر جاتے
کہ اتنا تنگ جا کر کوچہ دلبر میں آویں گے
گریباں چاک لاکھوں ہاتھ سے اس مہر طلعت کے
برنگ صبح محشر عرصۂ محشر میں آویں گے
جو سرگردانی اپنی تیرے دیوانے دکھائیں گے
تو پھر کیا کیا بگولے دشت کے چکر میں آویں گے
ظفرؔ اپنا کرشمہ گر دکھایا چشم ساقی نے
تماشے جام جم کے سب نظر ساغر میں آویں گے
Karenge qasd hum jis dam tumhare ghar mein aawenge
Karenge qasd hum jis dam tumhare ghar mein aawenge
Jo hogi umr bhar ki rah to dam bhar mein aawenge
Agar hathon se us shirin-ada ke zibh honge hum
To sharbat ke se ghoont aab-e-dam-e-khanjar mein aawenge
Yahi gar josh-e-giriya hai to beh kar saath ashkon ke
Hazaron pare-e-dil mere chashm-e-tar mein aawenge
Gar is qaid-e-bala se ab ki chhootenge to phir hargiz
Na hum dam-e-fareb-e-shokh gharat-gar mein aawenge
Na jaate garcha mar jaate jo hum maloom kar jaate
Ki itna tang ja kar koocha-e-dilbar mein aawenge
Gareban-chak lakhon haath se is mehr-talat ke
Ba-rang-e-subh-e-mahshar arsa-e-mahshar mein aawenge
Jo sargardani apni tere deewane dikhayenge
To phir kya kya bagule dasht ke chakkar mein aawenge
Zafar! Apna karishma gar dikhaya chashm-e-saqi ne
Tamasha-e-jam-e-jam ke sab nazar saghar mein aawenge
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں