کیا کچھ نہ کیا اور ہیں کیا کچھ نہیں کرتے — بہادرشاہ ظفر
شاعر
کیا کچھ نہ کیا اور ہیں کیا کچھ نہیں کرتے
کیا کچھ نہ کیا اور ہیں کیا کچھ نہیں کرتے
کچھ کرتے ہیں ایسا بخدا کچھ نہیں کرتے
اپنے مرض غم کا حکیم اور کوئی ہے
ہم اور طبیبوں کی دوا کچھ نہیں کرتے
معلوم نہیں ہم سے حجاب ان کو ہے کیسا
اوروں سے تو وہ شرم و حیا کچھ نہیں کرتے
گو کرتے ہیں ظاہر کو صفا اہل کدورت
پر دل کو نہیں کرتے صفا کچھ نہیں کرتے
وہ دلبری اب تک مری کچھ کرتے ہیں لیکن
تاثیر ترے نالے دلا کچھ نہیں کرتے
دل ہم نے دیا تھا تجھے امید وفا پر
تم ہم سے نہیں کرتے وفا کچھ نہیں کرتے
کرتے ہیں وہ اس طرح ظفرؔ دل پہ جفائیں
ظاہر میں یہ جانو کہ جفا کچھ نہیں کرتے
Kya kuchh na kiya aur hain kya kuchh nahin karte
Kya kuchh na kiya aur hain kya kuchh nahin karte
Kuchh karte hain aisa ba-Khuda kuchh nahin karte
Apne marz-e-gham ka hakim aur koi hai
Hum aur tabeebon ki dawa kuchh nahin karte
Maloom nahin hum se hijab unko hai kaisa
Auron se to woh sharm-o-haya kuchh nahin karte
Go karte hain zahir ko safa ahl-e-kudurat
Par dil ko nahin karte safa kuchh nahin karte
Woh dilbari ab tak meri kuchh karte hain lekin
Taseer tere nale dila kuchh nahin karte
Dil hum ne diya tha tujhe ummeed-e-wafa par
Tum hum se nahin karte wafa kuchh nahin karte
Karte hain woh is tarah Zafar! Dil pe jafayen
Zahir mein ye jaano ki jafa kuchh nahin karte
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں