کیونکر نہ خاکسار رہیں اہل کیں سے دور — بہادرشاہ ظفر
شاعر
کیونکر نہ خاکسار رہیں اہل کیں سے دور
کیونکر نہ خاکسار رہیں اہل کیں سے دور
دیکھو زمیں فلک سے فلک ہے زمیں سے دور
پروانہ وصل شمع پہ دیتا ہے اپنی جاں
کیونکر رہے دل اس کے رخ آتشیں سے دور
مضمون وصل و ہجر جو نامہ میں ہے رقم
ہے حرف بھی کہیں سے ملے اور کہیں سے دور
گو تیر بے گماں ہے مرے پاس پر ابھی
جائے نکل کے سینۂ چرخ بریں سے دور
وہ کون ہے کہ جاتے نہیں آپ جس کے پاس
لیکن ہمیشہ بھاگتے ہو تم ہمیں سے دور
حیران ہوں کہ اس کے مقابل ہو آئینہ
جو پر غرور کھنچتا ہے ماہ مبیں سے دور
یاں تک عدو کا پاس ہے ان کو کہ بزم میں
وہ بیٹھتے بھی ہیں تو مرے ہم نشیں سے دور
منظور ہو جو دید تجھے دل کی آنکھ سے
پہنچے تری نظر نگہ دور بیں سے دور
دنیائے دوں کی دے نہ محبت خدا ظفرؔ
انساں کو پھینک دے ہے یہ ایمان و دیں سے دور
Kyun kar na khaksar rahen ahl-e-kīñ se duur
Kyun kar na khaksar rahen ahl-e-kīñ se duur
Dekho zamin falak se falak hai zamīn se duur
Parvāna-e-vasl-e-sham'a pe deta hai apnī jaan
Kyun kar rahe dil us ke rukh-e-ātashīn se duur
Mazmūn-e-vasl-o-hijr jo nāma mein hai raqam
Hai harf bhī kahīñ se mile aur kahīñ se duur
Go tīr-e-be-gumāñ hai mere pās par abhī
Ja'e nikal ke sīna-e-charkh-e-barīñ se duur
Wo kaun hai ke jaate nahīñ aap jis ke pās
Lekin hamesha bhāgte ho tum hamīñ se duur
Hairān hūñ ke us ke muqābil ho ā'īna
Jo pur-gurūr khinchta hai māh-e-mubīñ se duur
Yāñ tak adū kā pās hai un ko ke bazm mein
Wo baithte bhī haiñ to mere ham-nashīñ se duur
Manzūr ho jo dīd tujhe dil kī āñkh se
Pahunche terī nazar nigāh-e-dūr-bīñ se duur
Duniyā-e-dūñ kī de na mohabbat Khudā Zafarؔ
Insāñ ko phenk de hai ye īmān o dīñ se duur
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں