کیونکہ ہم دنیا میں آئے کچھ سبب کھلتا نہیں — بہادرشاہ ظفر
شاعر
کیونکہ ہم دنیا میں آئے کچھ سبب کھلتا نہیں
کیونکہ ہم دنیا میں آئے کچھ سبب کھلتا نہیں
اک سبب کیا بھید واں کا سب کا سب کھلتا نہیں
پوچھتا ہے حال بھی گر وہ تو مارے شرم کے
غنچۂ تصویر کے مانند لب کھلتا نہیں
شاہد مقصود تک پہنچیں گے کیونکر دیکھیے
بند ہے باب تمنا ہے غضب کھلتا نہیں
بند ہے جس خانۂ زنداں میں دیوانہ تیرا
اس کا دروازہ پری رو روز و شب کھلتا نہیں
دل ہے یہ غنچہ نہیں ہے اس کا عقدہ اے صبا
کھولنے کا جب تلک آوے نہ ڈھب کھلتا نہیں
عشق نے جن کو کیا خاطر گرفتہ ان کا دل
لاکھ ہووے گرچہ سامان طرب کھلتا نہیں
کس طرح معلوم ہووے اس کے دل کا مدعا
مجھ سے باتوں میں ظفرؔ وہ غنچہ لب کھلتا نہیں
Kyunke hum duniyā mein aaye kuchh sabab khulta nahīñ
Kyunke hum duniyā mein aaye kuchh sabab khulta nahīñ
Ik sabab kyā bhed vāñ kā sab kā sab khulta nahīñ
Pūchhta hai hāl bhī gar wo to maare sharm ke
Ghunja-e-tasvīr ke mānind lab khulta nahīñ
Shāhid-e-maqsad tak pahuñchenge kyūñkar dekhiye
Band hai bāb-e-tamannā hai ghazab khulta nahīñ
Band hai jis khāna-e-zindāñ mein dīvāna terā
Us kā darvāza parī-rū roz o shab khulta nahīñ
Dil hai ye ghunja nahīñ hai us kā uqda ai sabā
Kholne kā jab talak āve na dhab khulta nahīñ
Ishq ne jin ko kiyā khātir-girifta un kā dil
Lākh hūe garche sāmān-e-tarab khulta nahīñ
Kis tarah ma'lūm hūe us ke dil kā mudda'ā
Mujh se bāton mein Zafarؔ wo ghunja-lab khulta nahīñ
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں