میں ہوں عاصی کہ پر خطا کچھ ہوں — بہادرشاہ ظفر
شاعر
میں ہوں عاصی کہ پر خطا کچھ ہوں
میں ہوں عاصی کہ پر خطا کچھ ہوں
تیرا بندہ ہوں اے خدا کچھ ہوں
جزو و کل کو نہیں سمجھتا میں
دل میں تھوڑا سا جانتا کچھ ہوں
تجھ سے الفت نباہتا ہوں میں
با وفا ہوں کہ بے وفا کچھ ہوں
جب سے ناآشنا ہوں میں سب سے
تب کہیں اس سے آشنا کچھ ہوں
نشۂ عشق لے اڑا ہے مجھے
اب مزے میں اڑا رہا کچھ ہوں
خواب میرا ہے عین بیداری
میں تو اس میں بھی دیکھتا کچھ ہوں
گرچہ کچھ بھی نہیں ہوں میں لیکن
اس پہ بھی کچھ نہ پوچھو کیا کچھ ہوں
سمجھے وہ اپنا خاکسار مجھے
خاک رہ ہوں کہ خاک پا کچھ ہوں
چشم الطاف فخر دیں سے ہوں
اے ظفرؔ کچھ سے ہو گیا کچھ ہوں
Maiñ hūñ a'asī ke pur-khatā kuchh hūñ
Maiñ hūñ a'asī ke pur-khatā kuchh hūñ
Terā banda hūñ ai Khudā kuchh hūñ
Juzv o kul ko nahīñ samajhtā maiñ
Dil mein thoṛā sā jāntā kuchh hūñ
Tujh se ulfat nibāhtā hūñ maiñ
Bā-vafā hūñ ke be-vafā kuchh hūñ
Jab se nā-āshnā hūñ maiñ sab se
Tab kahīñ us se āshnā kuchh hūñ
Nasha-e-ishq le uṛā hai mujhe
Ab maze mein uṛā rahā kuchh hūñ
Khvāb merā hai ain-e-bedārī
Maiñ to is mein bhī dekhtā kuchh hūñ
Garche kuchh bhī nahīñ hūñ maiñ lekin
Is pe bhī kuchh na pūchho kyā kuchh hūñ
Samjhe wo apnā khāksār mujhe
Khāk-e-rah hūñ ke khāk-e-pā kuchh hūñ
Chashm-e-altāf-e-fakhr-e-dīñ se hūñ
Ai Zafarؔ kuchh se ho gayā kuchh hūñ
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں