مر گئے اے واہ ان کی ناز برداری میں ہم — بہادرشاہ ظفر
شاعر
مر گئے اے واہ ان کی ناز برداری میں ہم
مر گئے اے واہ ان کی ناز برداری میں ہم
دل کے ہاتھوں سے پڑے کیسی گرفتاری میں ہم
سب پہ روشن ہے ہماری سوزش دل بزم میں
شمع ساں جلتے ہیں اپنی گرم بازاری میں ہم
یاد میں ہے تیرے دم کی آمد و شد پر خیال
بے خبر سب سے ہیں اس دم کی خبرداری میں ہم
جب ہنسایا گردش گردوں نے ہم کو شکل گل
مثل شبنم ہیں ہمیشہ گریہ و زاری میں ہم
چشم و دل بینا ہے اپنے روز و شب اے مردماں
گرچہ سوتے ہیں بظاہر پر ہیں بیداری میں ہم
دوش پر رخت سفر باندھے ہے کیا غنچہ صبا
دیکھتے ہیں سب کو یاں جیسے کہ تیاری میں ہم
کب تلک بے دید سے یا رب رکھیں چشم وفا
لگ رہے ہیں آج کل تو دل کی غم خواری میں ہم
دیکھ کر آئینہ کیا کہتا ہے یارو اب وہ شوخ
ماہ سے صد چند بہتر ہیں ادا داری میں ہم
اے ظفرؔ لکھ تو غزل بحر و قوافی پھیر کر
خامۂ در ریز سے ہیں اب گہر باری میں ہم
Mar ga'e ai vāh un kī nāz-bardārī mein ham
Mar ga'e ai vāh un kī nāz-bardārī mein ham
Dil ke hāthoñ se paṛe kaisī giriftārī mein ham
Sab pe raushan hai hamārī sozish-e-dil bazm mein
Sham'a sāñ jalte haiñ apnī garm-bāzārī mein ham
Yād mein hai tere dam kī āmad o shad par khayāl
Be-khabar sab se haiñ us dam kī khabardārī mein ham
Jab hansāyā gardish-e-gardūñ ne ham ko shakl-e-gul
Misl-e-shabnam haiñ hamesha girya o zārī mein ham
Chashm-o-dil bīnā hai apne roz o shab ai mardumān
Garche sote haiñ ba-zāhir par haiñ bedārī mein ham
Dosh par rakht-e-safar bāñdhe hai kyā ghunja-e-sabā
Dekhte haiñ sab ko yāñ jaise ke tayyārī mein ham
Kab talak be-dīd se yā Rab rakheñ chashm-e-vafā
Lag rahe haiñ āj kal to dil kī gham-khvārī mein ham
Dekh kar ā'īna kyā kahtā hai yāro ab wo shokh
Māh se sad chand behtar haiñ adā-dārī mein ham
Ai Zafarؔ likh to ghazal bahr o qavāfī pher kar
Khāma-dar-rez se haiñ ab gohar-bārī mein ham
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں