محبت چاہیے باہم ہمیں بھی ہو تمہیں بھی ہو — بہادرشاہ ظفر
شاعر
محبت چاہیے باہم ہمیں بھی ہو تمہیں بھی ہو
محبت چاہیے باہم ہمیں بھی ہو تمہیں بھی ہو
خوشی ہو اس میں یا ہو غم ہمیں بھی ہو تمہیں بھی ہو
غنیمت تم اسے سمجھو کہ اس خم خانہ میں یارو
نصیب اک دم دل خرم ہمیں بھی ہو تمہیں بھی ہو
دلاؤ حضرت دل تم نہ یاد خط سبز اس کا
کہیں ایسا نہ ہو یہ سم ہمیں بھی ہو تمہیں بھی ہو
ہمیشہ چاہتا ہے دل کہ مل کر کیجے مے نوشی
میسر جام مے جم جم ہمیں بھی ہو تمہیں بھی ہو
ہم اپنا عشق چمکائیں تم اپنا حسن چمکاؤ
کہ حیراں دیکھ کر عالم ہمیں بھی ہو تمہیں بھی ہو
رہے حرص و ہوا دائم عزیزو ساتھ جب اپنے
نہ کیونکر فکر بیش و کم ہمیں بھی ہو تمہیں بھی ہو
ظفرؔ سے کہتا ہے مجنوں کہیں درد دل محزوں
جو غم سے فرصت اب اک دم ہمیں بھی ہو تمہیں بھی ہو
Mohabbat chahiye bāham hamīñ bhī ho tumhīñ bhī ho
Mohabbat chahiye bāham hamīñ bhī ho tumhīñ bhī ho
Khushī ho is mein yā ho gham hamīñ bhī ho tumhīñ bhī ho
Ghanīmat tum ise samjho ke is Kham-khāna mein yāro
Nasīb ik dam dil-e-khurram hamīñ bhī ho tumhīñ bhī ho
Dilāo Hazrat-e-dil tum na yād khatt-e-sabz us kā
Kahīñ aisā na ho ye sam hamīñ bhī ho tumhīñ bhī ho
Hamesha chāhtā hai dil ke mil kar kījiye mai-noshī
Muyassar jām-e-mai jam jam hamīñ bhī ho tumhīñ bhī ho
Hum apnā ishq chamkā'eñ tum apnā husn chamkāo
Ke hairān dekh kar ālam hamīñ bhī ho tumhīñ bhī ho
Rahe hirs o havā dāyam azīzo sāth jab apne
Na kyūñkar fikr-e-besh o kam hamīñ bhī ho tumhīñ bhī ho
Zafarؔ se kahtā hai Majnūñ kahīñ dard-e-dil-e-mahzūñ
Jo gham se fursat ab ik dam hamīñ bhī ho tumhīñ bhī ho
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں